1001 რატომ? (Part 7)

ფიზიკა დიასახლისებს

  1. კალის დნობის ტემპერატურა გაცილებით დაბალია, ვიდრე მზესუმზირას ზეთისა. რატომ შეიძლება მოვხრაკოთ მზესუმზირას ზეთში ხახვი, შევწვათ კარტოფილი, კვერცხი და ა.შ. მოკალულ ტაფაზე?
  2. გავარვარებულ ქურაზე დაცემული წყლის წვეთი ხტუნვას იწყებს. რატომ?
  3. თეთრეული სხვენში უფრო სწრაფად შრება, ვიდრე თბილ ოთახში. რატომ?
  4. როცა წამიერად ვეხებით ცხელ უთოს სველი თითით, დამწვრობას არ ვღებულობთ. რატომ?
  5. მაკრატელსა და ფანქარს ერთნაირი ტემპერატურა აქვს, რატომ გვეჩვენება ხელით შეხებისას მაკრატელი უფრო ცივი?
  6. მინის ჭურჭელს, რომელსაც იყენებენ მაღალ ტემპერატურაზე გასაცხელებლად, ამზადებენ თხელი მინისგან. რატომ?
  7. რატომ არ შეიძლება დიდი ხნით საყინულეში ლიმონათიანი ან წყლიანი ბოთლის მოთავსება?
  8. რატომაა, რომ ცხელი ჩაი, ყავა, რძე და ნებისმიერი წვნიანი შებერვით მალე ცივდება?
  9. რით აიხსნება ბრილიანტის შეუდარებელი ბზინვა?
  10. საპნის გაჭრა მაგარი ძაფით უფრო ადვილია, ვიდრე დანით. რატომ?
  1. Read more of this post
Advertisements

1001 რატომ (Part 6)

,,ფიზიკა დიასახლისებს

  1. გამოცდილი დიასახლისი ჭიქაში მდუღარე წყლის ჩასხმამდე, მასში კოვზს ჩადებს. რატომ?
  2. რომელი საცვალი უკეთ ათბობს ზამთარში: ტილოსი, ტრიკოტაჟის, ბამბის თუ შალის?
  3. სიცხეში რძე რომ არ აიჭრას, რძიან ჭურჭელს დგამენ წყალში და აფარებენ ხელსახოცს, რომლის ნაპირიც ჩაშვებულია წყალში. რაზეა დამოკიდებული რძის შენახვის ეს ხერხი?
  4. რატომ ,,ხმაურობს” ჩაიდანი წყლის ადუღების წინ?
  5. რა მიზნით უკეთებენ ჩაიდნის თავსახურს ნახვრეტს?
  6. მდუღარე წყალში შეიძლება მშვიდად ჩავასხათ მცენარეული ზეთი, მაგრამ თუ მდუღარე ზეთში ჩავაწვეთებთ წყალს, იგი გაშხეფთება. რატომ?
  7. რატომ ჭრიან თხელ ნაჭრებად ვაშლს, მსხალს, კომშსა და სხვადასხვა ბოსტნეულს, რომელთა გახმობაც სურთ?
  8. შეიძლება თუ არა თერმოსში გაყინული პროდუქტების შენახვა? ანუ მისი გამოყენება ,,მაცივრად”?
  9. ყინვიან დღეს ღია სარკმელში სქელი ნისლი შემოდის როცა ოთახში თბილა. რატომ?
  10. თუ წაბლს მოვათავსებთ ცხელ ნაკვერჩხალზე, იგი დასკდება ძლიერი ტკაცანით. რატომ?

  1. ლითონის კოვზი კარგი თბოგამტარია, იგი სითბიოს შთანთქავს მდუღარე წყლისაგან, ამით დიასახლისი მინის ჭიქის მოსალოდნელ გახეთქვას იცილებს თავიდან.
  2. ტრიკოტაჟის და შალის. მათი ბოჭკოები მეტი რაოდენობით შეიცავს ჰაერს, რომელიც ცუდი თბოგამტარია.
  3. ხელსახოციდან წყლის განუწყვეტელი აორთქლება იწვევს რძის გაცივებას.
  4. ჭურჭლის ფსკერზე წარმოქმნილი ბუშტულა, რომელშიც წყლის ორთქლია, ადის მაღლა, წყლის ცივ ფენაში მოხვედრისას მოცულობაში მცირდება. მასში მოთავსებული ორთქლი კონდენსირდება და ბუშტულა სკდება. ბუშტულების მასიური გასკდომა იწვევს ხმაურს.
  5. ორთქლის გამოსასვლელად. თუ ჩაიდნის თავსახურს ნახვრეტი არ ექნება, წყალი შეიძლება ჩაიდნის ცხვირიდან გადმოიღვაროს.
  6. ზეთის ტემპერატურა წყლის დუღილის ტემპერატურაზე მაღალია. როდესაც წყალი მოხვდება მდუღარე ზეთში სწრაფად ორთქლდება და ზეთს აშხეფებს.
  7. თხელ ნაჭრებად დაჭრის შემთხვევაში, აორთქლების ზედაპირი იზრდება და ამით გახმობის პროცესი ჩქარდება.
  8. შეიძლება! (ბევრს ჰქონია, რომ თერმოსს მხოლოდ ცხლად შენახვა შეუძლია, მაგრამ ეს ასე არ არის )
  9. გარეთა ცივი ჰაერი ოთახის თბილ ჰაერს იმდენად აცივებს, რომ მასში მყოფი ორთქლი კონდენსირდება და წარმოიქმნება ნისლი – ჰაერში წყლის წვრილი წვეთების დიდი რაოდენობა.
  10. ჰაერი, რომელიც მოთავსებულია წაბლში, გახურებისას ფართოვდება და ძლიერი ტკაცანით აპობს მის კანს.

Part 1 – ფიზიკა ჩვენს ირგვლივ

Part 2 – ფიზიკა ჩვენს ირგვლივ

Part 3 – ფიზიკა ჩვენს ირგვლივ

Part 4 – ფიზიკა ჩვენს ირგვლივ

Part 5 – ფიზიკა და ტრანსპორტი

1001 რატომ? (Part 5)

ფიზიკა და ტრანსპორტი

  1. რატომ არის აკრძალული მეტროში მოძრავი ესკალატორის კიბის მოაჯირზე იდაყვით დაყრდნობა?
  2. პარკების, ბულვარების, ბაღების უბნებში, სადაც ტრამვაის ხაზი გადის, შემოდგომით შეგხვდებათ ასეთი წარწერა: ,,ფრთხილად, ფოთოლცვენაა!” რატომ?
  3. რატომ ავითარებს ტენტიანი მანქანა ნაკლებ სიჩქარეს, ვიდრე ლითონის სახურავიანი?
  4. როცა ტრამვაის ვაგონის რკალი წრეს შეკრავს, ზედა გამტარში და რელსში ერთნაირი დენი გადის, მიწაზე მდგომი ადამიანისათვის ზედა გამტართან ან მასთან მიერთებულ მავთულთან შეხება საშიშია, მაშინ როცა რელსთან შეხება და მასზე დგომა უსაფრთხოა. რატომ?
  5. თივითა და ხე-ტყით დატვირთული ორი ერთნაირი მასის სატვირთო ავტომანქანიდან რომელი უფრო ადვილად გადაყირავდება? რატომ?
  6. ხომალდის ჩაძირვის სიღრმე მარილიან წყალში უფრო მეტია, თუ მტკნარ წყალში?
  7. რატომ არის ტრანსპორტის ამკრძალავ ფერად მიღებული წითელი?
  8. ბატისკაფის ბალონებს ამოტივტივების მიზნით ავსებენ ნავთით და არა ფაერით. რატომ?
  9. ნავის რომელ ნაწილშია მძიმე საგნების მოთავსება უფრო ხელსაყრელი?
  10. ასფალტზე მოძრავი მძიმე ტანკი არ ამტვრევს ასფალტს. რატომ ამტვრევს იგი მუხლუხას ქვეშ მოყოლილ აგურს?
  11. რატომ აქვს უფლება მსუბუქ ავტომანქანას ქალაქში იმოძრაოს სატვირთო ავტომანქანაზე მეტი სიჩქარით?
  1. ხახუნი რომ არ გაიზარდოს სახელურსა და მიმმართველ ფირფიტას შორის, რომელზეც სრიალებს იგი.
  2. რელსებზე დაყრილი ფოთლები ამცირებს სრიალის ხახუნის ძალას, ამის გამო ტრამვაის სამუხრუჭო მანძილი იზრდება.
  3. ტენტიანი მანქანის ძარას ჰაერთა წარმოქმნილი ხახუნის ზალა გაცილებით მეტია, ვიდრე გაპრიალებული ზედაპირის სახურავის მქონე ავტომანქანისა.
  4. მიწაზე მდგომ ადამიანსა და სადენს შორის არის მაღალი ძაბვა, ხოლო ადამიანის სხეულსა და რელსს შორის თითქმის არ არის ძაბვა, რადგან ორივე იმყოფება ერთსა და იმავე გამტარზე – მიწაზე.
  5. ადვილად გადაყირავდება თივიანი, რადგან მისი მასათა ცენტრი უფრო მაღლაა, ვიდრე ხით დატვირთულისა. სხეულის მდგრადობა მით მეტია, რაც უფრო ქვემოთაა მისი მასათა ცენტრი.
  6. მარილიან წყალში ჩაძირვის სიღრმე ნაკლებია, ვიდრე მტკნარ წყალში, რადგან მარილიანი წყლის სიმკვირივე მეტია, ვიდრე მტკნარისა.
  7. წითელი ფერის სხივების ტალღის სიგრძე სპექტრის სხვა სხივებთან შედარებით დიდია. დიდი ტალღის სიგრძის მქონე სხივები ნაკლებად დაკავდებიან ატმოსფეროს გავლენით, თუ მასში იქნება მტვრის ნაწილაკები ან წყლის ორთქლი. ამიტომ წითელი ფერის სინათლე შორიდანაც კარგად გამოჩნდება.
  8. ნავთი ჰაერისგან განსხვავებით ხასიათდება დაბალი კუმშვადობით.
  9. ტვირთი უნდა მოვათავსოთ ნავის ფსკერზე, შუა ნაწილში!
  10. აგური ზრდის შეხების მცირე ზედაპირთა ფართობების რაოდენობას, ამიტომ ნაკლები ზედაპირის ფართობებზე ტანკი მეტი წნევის ძალით მოქმედებს, რასაც აგური ვერ უძლებს და იფშვნება.
  11. აუცილებლობის შემთხვევაში მძღოლი მსუბუქ მანქანას უფრო სწრაფად გააჩერებს ვიდრე სატვირთოს, რომელსაც გაცილებით მეტი მასა აქვს მსუბუქ ავტომობილთან შედარებით.

Part 1 – ფიზიკა ჩვენს ირგვლივ

Part 2 – ფიზიკა ჩვენს ირგვლივ

Part 3 – ფიზიკა ჩვენს ირგვლივ

Part 4 – ფიზიკა ჩვენს ირგვლივ

1001 რატომ? (Part 4)

ფიზიკა ჩვენს ირგვლივ

  1. რატომაა წყალქვეშა ნავის ან თევზების დიდი გუნდის აღმოჩენა თვითმფრინავიდან უფრო მოსახერხებელი?
  2. გზის უსწორმასწორობანი დღისით უფრო ცუდად ჩანს, ვიდრე ღამით, როცა გზას ავტომობილის ფარები ანათებს. რატომ?
  3. ფანჯრის მინიდან საგნები ზოგჯერ დაბრეცილი გვეჩვენება. რატომ?
  4. რატომ ჩანს კოვზი გადიდებული თხელკედლიან წყლიან ჭიქაში?
  5. რატომაა თოვლი თეთრი, ფოთოლი – მწვანე, მური – შავი?
  6. რატომ არის წყლის ზედაპირზე ცის გამოსახულება ყოველთვის უფრო მუქი ფერის, ვიდრე სინამდვილეშია?
  7. მეხანძრეებს ახურავთ ლითონის მბრწყინავი ჩაჩქანი. რატომ?
  8. მზის სხივებისაგან დასაფარავად ყველაზე უფრო პრაქტიკულია თეთრი და წითელი ქოლგები. რატომ?
  9. ჩვეულებრივ ფოტოსურათზე ლურჯი ყვავილი ღია ყვითელი ფერის გამოდის, ხოლო წითელი ყვავილი – შავი. რატომ?
  10. რატომ არის უკეთესი შეღებილი საგნის გაშრობა ინფრაწითელ საშრობში, ვიდრე ღუმელში?

  1. სხივის დაცემის კუთხის შემცირებასთან ერთად, წყლიდან არეკლილი სხივების ინტენსივობა მცირდება.
  2. ავტომობილის ფარებით გზის განათებისას უსწორმასწორობანი იძლევა ჩრდილს, რომელიც შორიდან კარგად ჩანს.
  3. მინის სისქე და ოპტიკური სიმკვრივე სხვადასხვა ადგილში სხვადასხვაა. ეს ქმნის საგნის ნაწილების ხილულ წანაცვლებას.
  4. ჭიქაში წყალი ცილინდრული შემკრები ლინზის როლს ასრულებს.
  5. თოვლი აირეკლავს ყველა სახის სინათლის ტალღას, ფოთოლი – მწვანეს, მური კი -შავს.
  6. სინათლე ნაწილობრივ აირეკლება წყლიდან, მეტი ნაწილი კი გაივლის მასში, ამიტომ ხდება რეალური ფერის სახესხვაობა.
  7. ჩაჩქანი გამოიყენება ხანძრის დროს მექანიკური დარტყმების ასაცილებლად, აგრეთვე ინტენსიური ინფრაწითელი გამოსხივებისაგან თავის დასაცავად.
  8. ეს ქოლგბი კარგად აირეკლავენ ნარინჯისფერ, წითელ და ინფრაწითელ სხივებს.
  9. ფოტოემულსიაზე ლურჯი სხივები უფრო ძლიერ მოქმედებს, ვიდრე ყვითელი, ხოლო წითელი თითქმის არ მოქმედებს.
  10. ღუმელში საგანი მთლიანად შრება, რის გამოც შეიძლება მოხდეს მისი დეფორმაცია. ინფრაწითელი სხივებით შრობა ხდება ნაკეთობის ზედაპირზე. ასე რომ ეს გამოსხივება შეღმწევი თვისებით არ გამოირჩევა.

Part 1 – ფიზიკა ჩვენს ირგვლივ

Part 2 – ფიზიკა ჩვენს ირგვლივ

Part 3 – ფიზიკა ჩვენს ირგვლივ

1001 რატომ? (Part 3)

ფიზიკა ჩვენს ირგვლივ

  1. მაღლივ შენობებში ვიბრაციულ მოწყობილობებს (ელექტროძრავებს) დგამენ სპეციალურ რეზინის ან ლითონის ამორტიზატორებზე. რატომ?
  2. როცა მცირე ზომის ზღვის ტალღები უახლოვდება დახრილ ნაპირს, მასზე ქაფიანი თხემი წარმოიქმნება. რატომ?
  3. გაჩერებული მატარებლის ბორბლებს ამოწმებენ ჩაქუჩის დარტყმით. რატომ?
  4. რატომ ფუთავენ სუფლიორის ჯიხურს ქეჩით?
  5. რატომ არ მიიღება ექო მცირე ზომის ოთახში?
  6. დედამიწის ზედაპირიდან 3 კმ-ზე მეტ სიმაღლეზე ვერ გავიგებთ ვერავითარ ბგერას, რომელიც წამოსულია დედამიწის ზედაპირიდან. რატომ?
  7. რატომ უცვლიან ფირსაკრავს ნემსს?
  8. დაძახების დროს, როცა გვინდა ხმა შორს მივაწვდინოთ, ხელები პირთან მიგვაქვს ხოლმე. რატომ?
  9. შეუძლია თუ არა ადამიანს თავის ჩრდილს გაუსწროს?
  10. დაორთქლილ მინაზე დახატული ფიგურა კარგად ჩანს. რატომ?

  1. რომ გამორიცხონ ვიბრაციის გადაცემა შენობის კარკასზე.
  2. ნაპირთან მიახლოებისას ტალღების ქვედა შრეები მუხრუჭდება ფსკერთან ხახუნის გამო, ხოლო ზედა შრეები ინარჩუნებენ სიჩქარეს, წინ უსწრებენ ქვედა შრეებს და ღებულობენ ისეთ მახვილ ფორმას, რომ მათი წვეროები წყდება, გაიბნევა და ქმნის ქაფის თხემს.
  3. ჩაქუჩის დარტყმა ბორბალზე იწვევს ბორბლის რხევას, ამასთან წარმოიქმნება ბგერა. მასიური ბორბალი და ბზარის მქონე ბორბალი სხვადასხვა ბგერას გამოსცემს…
  4. რომ არ გავრცელდეს სუფლიორის ხმა მთელ დარბაზში.
  5. ოთახში ადგილი აქვს ბგერის არეკვლას კედლებიდან, იატაკიდან, ჭერიდან და ხდება არეკვლილი და ძირითადი ბგერების ზედდება.
  6. დედამიწის ზედაპირიდან წასული სხივები ვრცელდება 2,5-3 კმ სიმაღლეზე. ნაკლები სიმკვრივის ჰაერში გადასვლისას ისინი აირეკლებიან და ისევ დედამიწაზე ბრუნდებიან.
  7. ნემსი ძალიან მახვილი უნდა იყოს, რომ მისი ბოლო მოძრაობისას გაჰყვეს ბგერითი ბილიკის ყველა უსწორმასწორობას.
  8. ხელების საშუალებით ვაკეთებთ რუპორს, რომელიც ბგერის გავრცელების მიმართულებას უზრუნველყოფს ერთი კონკრეტული მიმართულებით.
  9. შეუძლია, თუ ჩრდილი წარმოიქმნება კედელზე, რომლის პარალელურადაც გარბის ადამიანი, ხოლო სინათლის წყარო ადამიანზე უფრო სწრაფად მოძრაობს იმავე მიმართულებით.
  10. დაორთქილი მინა გააბნევს სინათლის სხივებს და თეთრ-რძისფერი მოჩანს, ხოლო იმ ადგილებში, სადაც წაშლილია წყლის წვეთები, მინა შავად ჩანს (თუ მუქი ფონია); ან ნათელია (თუ ფონი ღიაა).

Part 1 – ფიზიკა ჩვენს ირგვლივ

Part 2 – ფიზიკა ჩვენს ირგვლივ

1001 რატომ? (part 2)

ფიზიკა ჩვენს ირგვლივ

  1. თუ ხელისგულზე დადებულ აგურს ჩაქუჩს დავარტყამთ ტკვივილს ვერ ვიგრძნობთ. რატომ?
  2. ადამიანი წაბორძიკებისას ყოველთვის მოძრაობის მიმართულებით ეცემა, მოცურებისას კი მოძრაობის მიმართულების საწინააღმდეგოდ. რატომ?
  3. კენჭებიან ზღვის ნაპირზე ფეხშიშველი სიარულისას ფეხი გვტკივა, ხოლო თუ წყალში ღრმად შევალთ, ტკივილს ვეღარ ვიგრძნობთ. რატომ?
  4. რატომ რაკრაკებს ნაკადული?
  5. რატომ სრიალებს ყინულზე ციგურები კარგად? რატომ უარესდება ეს სრიალი ძლიერ ყინვაში?
  6. რატომ ფრიალებს დროშა ქარში?
  7. რატომ ჭიმავენ მაღალი ძაბვის ელექტროენერგიის გადამცემ ხაზებს ზემოთ ფოლადის საყრდენისაგან არაიზოლირებულ ორ დამატებით სადენს?
  8. რატომაა ჭექა–ქუხილის დროს გაელვება სწრაფი, ქუხილი კი ხანგრძლივი?
  9. რატომ არის საშიში ჭექა–ქუხილის დროს ჯგუფად დგომა?
  10. რატომ მიიღება უფრო ძლიერი ხმა ხის კარებზე დაკაკუნებით, კედელზე დაკაკუნებასთან შედარებით?

  1. ინერტულობის გამო აგური დარტყმის დროს ვერ ასწრებს საგრძნობლად შეიცვალოს სიჩქარე და არ დააწვება ხელს, რომლითაც ის უჭირავთ, ამიტომ ხელზე ჩაქუჩის დარტყმით გამოწვეულ ტკივილს ვერ შევიგრძნობთ.
  2. წაბორძიკებისას ადამიანის ფეხების სიჩქარე მცირდება, ხოლო ტანი ინერციით ინარჩუნებს თავის სიჩქარეს, ამიტომ ადამიანი მოძრაობის მიმართულებით დაეცემა; ხოლო როდესაც გასრიალდება, ფეხების სიჩქარე იზრდება, ტანი კი ინერციით ინარჩუნებს სიჩქარეს და მოძრაობის საწინააღმდეგოდ ვარდება.
  3. წყალში ადამიანზე გარდა სიმძიმის ძალისა მოქმედებს ვერტიკალურად ზემოთ მიმართული ამომგდები ძალა და იმდენად აღარ აწვება კენჭებიან ფსკერს, ამიტომ ტკივილსაც ნაკლებად იგრძნობს.
  4. წყლის ნაკადი იტაცებს და ახვევს ჰაერის ნაწილაკებს, მათგან წყალში იქმნება ბუშტულები. შემდეგ ეს ბუშტულები სკდება და ნაკადულის რაკრაკიც ამით აიხსნება.
  5. ყინულის ზედაპირზე ციგურების სრიალის დროს, წნევისა და ხახუნის გამო წარმოიქმნება წყლის შრე, რომელიც ამცირებს ხახუნის ძალას. დიდი ყინვისას ამ შრის წარმოქმნა არ ხდება და შესაბამისად ხახუნის ძალაც იზრდება.
  6. წინაღობის შეხვედრისას ქარი ხან ერთი, ხან მეორე მხრიდან წარმოქმნის მცირე გრიგალებს, რომელიც ჰაერის თანმიმდევრულ რხევას იწვევს. დროშის რხევის სიხშირე შეესაბამება გრიგალების სიხშირეს.
  7. დამატებითი სადენების დანიშნულებაა მარალი ძაბვის ხაზების დაცვა მეხისაგან.
  8. ელვის შუქი ჰაერში პრაქტიკულად სინათლის გავრცელების სიჩქარით ვრცელდება და ცის ნებისმიერი ხილული ადგილიდან ელვასთან ერთად შეიმჩნევა. ქუხილის (განმუხტვის) ხმა კი ბგერის გავრცელების სიჩქარით ჰაერში აირეკლება სხვადასხვა მხარეს მდებარე ობიექტივებიდან და დამკვირვებლამდე მოდის არა ერთდროულად, არამედ გარკვეული დაყოვნებით და ხანგრძლივი გრუხუნის სახიტ ვრცელდება.
  9. ჭექა–ქუხილის დროს ჯგუფად დგომა იმიტომ არის საშიში, რომ ორთქლი, რომელიც სუნთქვის დროს გამოიყოფა ელექტროგამტარობას ზრდის.
  10. კარები უფრო მეტად დეფორმირდება, ამიტომ მისი რხევის ამპლიტუდა უფრო დიდია. შესაბამისად ბგერებიც უფრო ძლიერია.

Part 1 – ფიზიკა ჩვენს ირგვლივ

1001 რატომ? (Part 1)

ფიზიკა ჩვენს ირგვლივ

  1. როგორ მოიქცეოდით სიარულის დროს, მოულოდნელად, ჭაობში რომ აღმოჩენილიყავით?
  2. ადამიანთან, რომელსაც ყინული ჩაემტვრა, მისვლა არ შეიძლება. გადარჩენისათვის მას დაუდებენ გრეხილ ფიცარს ან კიბეს… რატომ?
  3. რატომაა ნამი უფრო უხვად ცხელი დღის შემდეგ?
  4. რატომ ტკაცუნობს ხმელი შეშა, როცა იწვის?
  5. მაგიდის ჩოგბურთის ბურთი შეიჭეჭყა. რა უმარტივესი ხერხით შეიძლება აღნიშნული დეფექტის გასწორება?
  6. რატომ არის რომ, ორთქლი უფრო მეტად წვავს ადამიანს, ვიდრე იმავე ტემპერატურის მდუღარე წყალი?
  7. რომელ ტემპერატურაზე მოგვეჩვენება ერთნაირად გახურებული ლითონი და ხე, თუ მათ ხელს შევახებთ?
  8. ლურსმნის ქუდზე ბადისებრი ნაჭდევია, მის ქვემოთ კი – რამდენიმე ხაზი. რატომ?
  9. ახალი ქლიბით მუშაობისას საჭიროა მეტი ძალის გამოყენება, ვიდრე ძველი ქლიბით. მაშ, რატომ ამჯობინებენ ახალ ქლიბს?
  10. თოფიდან გასროლილი ტყვია ცარიელ ქილას მხოლოდ გახვრეტს, წყლით სავსეს კი დაამსხვრევს. რატომ?

  1. ამ შემთხვევაში საჭიროა, რომ ადამიანი ჭაობის ზედაპირზე გაწვეს ჰორიზონტალურად. ზედაპირის მართობულად მოქმედი ძალა (სხეულის წონა) გაცილებით მეტ ფართობზე განაწილდება და ადამიანი ჭაობში არ ჩაიძირება.
  2. ფიცარზე ან კიბეზე ადამიანის დაყრდნობისას, მისი სიმძიმე ნაწილდება დიდ ფართობზე და წნევა ყინულის ზედაპირზე მცირდება.
  3. როცა ცხელა, მეტი წყალი ორთქლდება და აბსოლუტური ტენიანობა იზრდება.
  4. ჰაერი ხის ფორებში ცხელდება, ფართოვდება და ხეთქავს ხის ბოჭკოს, რის გამოც ისმის ტკაცატკუცი.
  5. მოვათავსოთ ცხელ წყალში.
  6. ორთქლი გაცილებით მეტ სითბოს გამოყოფს, ვიდრე იმავე ტემპერატურის წყალი. ეს გამოწვეულია იმით, რომ ორთქლი იმავე ტემპერატურის წყლად გადაქცევის პროცესში გამოყოფს აორთქლების სითბოს.
  7. ადამიანის სხეულის ტემპერატურის ტოლ ტემპერატურაზე, როცა თბოგადაცემა არ ხდება.
  8. ისინი ზრდიან ხახუნის ძალას: ბადის ნაჭდევები ადიდებენ ხახუნს ლურსმნის თავსა და ჩაქუჩს შორის, ლურსმნის თავს ქვემოთ არსებული ხაზები კი ადიდებენ ხახუნის ძალას ლურსმანსა და ხის დეტალს შორის.
  9. ახალი ქლიბი ლითონში უფრო ღრმად შედის, რადგან მის ჭდეებს ნაკლები ფართობი აქვს; ამით კი მატულობს დეტალის დამუშავების სიჩქარე.
  10. როდესაც ტყვია ხვრეტს ცარიელ ქილას, ეს იმდენად სწრაფად ხდება, რომ ნახვრეტის მეზობელი ადგილები ამოძრავებას ვერ ასწრებს და ინერციით ინარჩუნებს უძრაობას. მაგრამ როდესაც ქილა ავსებულია წყლით, მაშინ ტყვია ქილის გახვრეტისას ხვდება წყალში, რომელიც მცირედ კუმშვადია , მოძრავი წყალი ძლიერ აწვება ქილის კედლებს, ამიტომ ქილა იმსხვრევა.