როგორ დავაყენოთ მარტივად ახალი Skype (5.0)?

მოგეხსენებათ, რომ გამოვიდა სკაიპის ახალი ვერსია 5.0! მისი გამოსვლის შემდეგ ბევრისგან მსმენია კითხვები:

  • საიდან გადმოვიწერო?
  • ძველი უნდა წავშალო ახალი რომ დავაყენო?
  • ძველს ჯობია? თუ ისევ ეს დავიტოვო რაც მაქვს?

ჯერ იმას ვიტყვი, რომ ძველს ჯობია თუნდაც მხოლოდ სილამაზითა და ავატარებით (მერე მიხვდებით რასაც ვგულისხმობ)… ასევე აქვს დამატებული ფუნქცია, რომლის მეშვეობითაც შეძლებთ ფეისბუქზე განახლებების ნახვას და ფეისბუქის სტატუსის დაწერას სკაიპიდანვე…

რაც შეეხება დაინსტალირებას და გადმოწერას, ამის ყველაზე მარტივი გზა მასწავლეს და ვინც არ იცის იმედია გაუადვილებს საქმეს… ანუ ცვენ უბრალოდ განვაახლებთ სკაიპის იმ ვერსიას რაც უკვე გვიყენია ვინდოუსზე, ამისთვის საჭიროა სულ რაღაც 2 დაკლიკება 🙂

  1. ზემოთა მხარეს, მთავარ პანელზე დავაწკაპოთ – ,,Help”
  2. და ,,Check for Updates”!

სულ ეს არის საჭირო და რამდენიმე წუთში თავისით განაახლებს და გექნებათ ახალი Skype 5.0 😉

Read more of this post

Advertisements

1001 რატომ? (Part 3)

ფიზიკა ჩვენს ირგვლივ

  1. მაღლივ შენობებში ვიბრაციულ მოწყობილობებს (ელექტროძრავებს) დგამენ სპეციალურ რეზინის ან ლითონის ამორტიზატორებზე. რატომ?
  2. როცა მცირე ზომის ზღვის ტალღები უახლოვდება დახრილ ნაპირს, მასზე ქაფიანი თხემი წარმოიქმნება. რატომ?
  3. გაჩერებული მატარებლის ბორბლებს ამოწმებენ ჩაქუჩის დარტყმით. რატომ?
  4. რატომ ფუთავენ სუფლიორის ჯიხურს ქეჩით?
  5. რატომ არ მიიღება ექო მცირე ზომის ოთახში?
  6. დედამიწის ზედაპირიდან 3 კმ-ზე მეტ სიმაღლეზე ვერ გავიგებთ ვერავითარ ბგერას, რომელიც წამოსულია დედამიწის ზედაპირიდან. რატომ?
  7. რატომ უცვლიან ფირსაკრავს ნემსს?
  8. დაძახების დროს, როცა გვინდა ხმა შორს მივაწვდინოთ, ხელები პირთან მიგვაქვს ხოლმე. რატომ?
  9. შეუძლია თუ არა ადამიანს თავის ჩრდილს გაუსწროს?
  10. დაორთქლილ მინაზე დახატული ფიგურა კარგად ჩანს. რატომ?

  1. რომ გამორიცხონ ვიბრაციის გადაცემა შენობის კარკასზე.
  2. ნაპირთან მიახლოებისას ტალღების ქვედა შრეები მუხრუჭდება ფსკერთან ხახუნის გამო, ხოლო ზედა შრეები ინარჩუნებენ სიჩქარეს, წინ უსწრებენ ქვედა შრეებს და ღებულობენ ისეთ მახვილ ფორმას, რომ მათი წვეროები წყდება, გაიბნევა და ქმნის ქაფის თხემს.
  3. ჩაქუჩის დარტყმა ბორბალზე იწვევს ბორბლის რხევას, ამასთან წარმოიქმნება ბგერა. მასიური ბორბალი და ბზარის მქონე ბორბალი სხვადასხვა ბგერას გამოსცემს…
  4. რომ არ გავრცელდეს სუფლიორის ხმა მთელ დარბაზში.
  5. ოთახში ადგილი აქვს ბგერის არეკვლას კედლებიდან, იატაკიდან, ჭერიდან და ხდება არეკვლილი და ძირითადი ბგერების ზედდება.
  6. დედამიწის ზედაპირიდან წასული სხივები ვრცელდება 2,5-3 კმ სიმაღლეზე. ნაკლები სიმკვრივის ჰაერში გადასვლისას ისინი აირეკლებიან და ისევ დედამიწაზე ბრუნდებიან.
  7. ნემსი ძალიან მახვილი უნდა იყოს, რომ მისი ბოლო მოძრაობისას გაჰყვეს ბგერითი ბილიკის ყველა უსწორმასწორობას.
  8. ხელების საშუალებით ვაკეთებთ რუპორს, რომელიც ბგერის გავრცელების მიმართულებას უზრუნველყოფს ერთი კონკრეტული მიმართულებით.
  9. შეუძლია, თუ ჩრდილი წარმოიქმნება კედელზე, რომლის პარალელურადაც გარბის ადამიანი, ხოლო სინათლის წყარო ადამიანზე უფრო სწრაფად მოძრაობს იმავე მიმართულებით.
  10. დაორთქილი მინა გააბნევს სინათლის სხივებს და თეთრ-რძისფერი მოჩანს, ხოლო იმ ადგილებში, სადაც წაშლილია წყლის წვეთები, მინა შავად ჩანს (თუ მუქი ფონია); ან ნათელია (თუ ფონი ღიაა).

Part 1 – ფიზიკა ჩვენს ირგვლივ

Part 2 – ფიზიკა ჩვენს ირგვლივ

ყველაზე ორიგინალური, სულელური და სახალისო გოლის აღნიშვნები

ჯანმრთელობის 10 მცნება

  1. პატივი ეც სხეულსა შენსა, ვითარცა სიცოცხლის დამმკვიდრებელსა.
  2. უარჰყავ ყოველივე არაბუნებრივი, გამოფიტული საკვები, უარი უთხარ სასმელსა ფრიად აღმგზნებსა.
  3. ჰკვებე სხეული შენი მხოლოდ ბუნებრივი, გადაუმუშავებელი, საღი პროდუქტით.
  4. მიუძღვენ წელნი მრავალნი ერთგულსა და უანგარო სამსახურს შენის ჯანმრთელობის გასაკაჟებლად.
  5. განიმრთელე ტანი შენი ზომიერი შრომისა და დასვენების მადლითა.
  6. განიწმინდე უჯრედები, ქსოვილები, სისხლი სუფთა ჰაერისა და მზის სხივების ძალითა.
  7. უარჰყავ ყოველივე საჭმელი, როცა გონებასა და სხეულსა შენსას უჟმური დააწვეს.
  8. იქონიე აზრები, სიტყვები და ემოციები წმინდა, მშვიდი და ამაღლებული.
  9. დღემუდამ სრულჰყავ ცოდნა ბუნების კანონებისა, გაიხადე ეს შენი ცხოვრების მიზნად და გაიხარებ შენი შრომის ნაყოფით.
  10. პატივი ეც ბუნების კანონებს – შენი ჯანმრთელობა შენსავე ხელთაა, ისარგებლე ამ უფლებით.

ეს მცნებები შეადგინა სპეციალისტმა სიცოცხლის გახანგრძლივების დარგში – პოლ ბრეგიმ…

მე კი ჩემის მხრივ ერთი რამის თქმა და დამატება შემიძლია – ლოლ პოლ 😀

ქართველ ,,ქომაგთა” სიმღერა-შეძახილები

მალტასთან მატჩის დროს მოედნის ყველა მხრიდან კარგად ჩანდა ,,ქომაგების” ბანერი -ორი მხრიდან ლოგო და

,,ჟინი, ბრძოლა, თავდადება

მოგვიტანეთ გამარჯვება!”

სამწუხაროდ ყველა მხარეს ასე კარგად არ ისმოდა ის შეძახილები, რომლითაც ,,ქომაგები” ამხნევებდნენ ნაკრების წევრებს, მაგრამ ვინც ახლოს იყო, აშკარად ნასიამოვნები დარჩა მხურვალე გულშემატკივრობით… მთავარი პრობლემა (,,ქომაგთა” მცირე რაოდენობის გარდა) ალბათ ის იყო, რომ სტადიონზე მოსულმა გულშემატკივარმა არ იცოდა ის ტექსტები, რომლებიც ქომაგებს ჰქონდათ მომზადებული… სამომავლოდ ამ პრობლემის შეძლებისდაგვარად მოსაგვარებლად, მინდა შემოგთავაზოთ ეს ტექტები, კარგი იქნება თუ გავავრცელებთ და დავიმახსოვრებთ, რომ ტრიბუნაზე ადვილად ავყვეთ ,,დირიჟორებს”: Read more of this post

,,ქომაგი”

ლოგო 1

ბრძოლა, ჟინი, თავდადება

მოგვიტანეთ გამარჯვება!!!

საბჭოთა კავშირის დაშლის დღიდან საქართველოს ჰყავდა ეროვნული ნაკრები… ჰყავდა ფეხბურთში, კალათბურთში, რაგბიში… ჰყავდა გულმხურვალე ქომაგები… მოთამაშეები იმასუხრებდნენ სიყვარულს და პატივისცემას…

დღესაც გვყავს ეროვნული ნაკრები… გვყავს ფეხბურთში, კალათბურთში, რაგბიში… მაგრამ ვინ ქომაგობს მათ? ვინ გულშემატკივრობს? ,,ბალეშიკები” რომლებმაც ,,სუდია პიდარასტისა” და ,,სუდიას რა?”–ს ძახილის მეტი არაფერი იციან? თუმცა – არა, ისინი ხომ უფრო ნიჭიერები არიან და საკუთარი ფეხბურთელების გინება, სკამების მტვრევა, ტრიბუნაზე არყის სმა და ერთმანეთში ჩხუბიც იციან…

ლოგო 2

თავი დავანებოთ ირონიას და კარგ და მისასალმებელ საკითხზე გადავიდეთ. 11 სექტემბერს ჩამოყალიბდა ქართული სპორტის ქომაგთა კლუბი – ,,ქომაგი”… ეს არის ნაკრების სიყვარულითა და ენთუზიაზმით განმსჭვალული ხალხის ერთობა, რომლებსაც სურთ, რომ ერთხელ და სამუდამოდ დაამკვიდრონ გულშემატკივრობის ორგანიზებული სტილი, სურთ, რომ ერთიანი შეძახილებითა და სიმღერით 90 წუთის მანძილზე გაამხნევონ ეროვნული ნაკრების მოთამაშეები (ფეხბურთი, კალათბურთი, რაგბი და ა.შ.), აგრძნობინონ ნამდვილი გულშემატკვირობა და სიყვარული, გაუჩინონ პასუხისმგებლობა და სიმღერით მოთხოვონ ბოლომდე დახარჯვა და მოედანზე თავგანწირვა…

Read more of this post

ნობელის პრემიის პირველი ლაურეატები

ნობელის პრემიის პირველი დიპლომები 1901 წლის 10 დეკემბერს მიიღეს ვილჰელმ რენტგენმა ფიზიკაში, იაკობუს ვან–ჰოფმა ქიმიაში, ემილ ფონ ბერინგმა ფიზიოლოგიასა და მედიცინაში, რენე სალი–პრუდონმა ლიტერატურაში, ხოლო მშვიდობის პრემია გაიყო ანრი დიუნანსა და ფრედერიკ პესის შორის.

ვილჰელმ რენტგენი

ნობელის პრემიის პირველი ლაურეატი ფიზიკაში ვილჰელმ კონრად რენტგენი (1845–1923 წწ.) გამოჩენილი გერმანელი ფიზიკოსი იყო. მას პრემია მიეკუთვნა 1895 წელს ე.წ. X-სხივების აღმოჩენისათვის, რომლებსაც შემდგომ მისი სახელი ეწოდა. რენტგენის აღმოჩენა საფუძვლად დაედო მეცნიერების ახალი დარგებისა და განხრების შექმნასა და განვითარებას; ასეთებია: რენტგენო–სტრუქტურული ანალიზი, რენტგენოსკოპია, რენტგენოდეფექტოსკოპია, რენტგენული ასტრონომია და სხვა დარგები.

ა. იოფეს სიტყვებით, რენტგენი კლასიკური ფიზიკის გამოჩენილი წარმომადგენელი იყო; თავისი აღმოჩენითმან დიდი გავლენა მოახდინა XX საუკუნის ფიზიკის განვითარებაზე.

იაკობუს ვან–ჰოფი

ქიმიის დარგში ნობელის პრემიის პირველი ლაურეატი – იაკობუს ჰენრიკუს ვანტ–ჰოფი ყოველთვის ითვლებოდა უდიდეს ფიგურად ქიმიურ მეცნიერებაში. მისმა შრომებმა საფუძველი შეუქმნეს ახალი მეცნიერების – ფიზიკური ქიმიის ჩამოყალიბებას. ჯერ კიდევ 22 წლის ასაკში, 1874 წელს, გამოაქვეყნა კლასიკური შრომა ნახშირბადის ატომის ასიმეტრიის შესახებ. 1901 წელს ვანტ–ჰოფს მიეკუთვნა ნობელის პრემია მონოგრაფიისათვის ,,ქიმიური დინამიკის საფუძვლები”, რომელიც გამოქვეყნდა 1884 წელს და ოსმოსური წნევის კანონის აღმოჩენისათვის, რაც მან 1885 წელს მოახდინა. ნობელის კომიტეტის ფორმულირება პრემიის მინიჭების თაობაზე სწორედ ასეთი იყო – ,,ქიმიური დინამიკის კანონებისა და ხსნარებში ოსმოსური წნევის აღმოჩენის განსაკუთრებული მნიშვნელობისათვის”; ამრიგად, ვანტ–ჰოფს ნობელის პრემია მიენიჭა მე–19 საუკუნეში შესრულებული შრომებისათვის.

Read more of this post