როგორ ვნახოთ სიზმარი?

ბავშვობიდან გიყვარდა სიზმრები? გხიბლავდა ფრენა? უზომო სიმდიდრე? მიუწვდომელ სიყვარულთან ჩახუტება და ალერსი? გაქცევა შეუჩერებლივ და სიკვდილთა მრავალფეროვნება?.. გავიდა კვირაზე, თვეზე, წელიწადზე მეტი და სიზმარი არ გინახავს? გენატრება ,,სასწაულების” საკუთარი თვალით ხილვა? მაშ, გილოცავ, შენ მოხვდი იმ ადგილას, სადაც გასწავლიან 9-ჯერ სიკვდილს და 9-ჯერ აღდგომას, მფრინავი ხალიჩით მსოფლიოს შემოვლას და 69-ში ვუდსტოკზე დასწრებას…

ტუტორიალი-მუტორიალი არ ვიცი მე… ეს არის პატარა ,,რეცეპტი”, რომელიც პირადი დაკვირვების შედეგად შევადგინე…

ე.ი. საღამოსთვის უნდა შევკრიბოთ მეგობრები, 4-5 ადამიანი სავსებით საკმარისია… მეგობართაგან ერთერთს უნდა ჰქონდეს კერძო სახლი ან ბაღი, სადაც ცეცხლის დანთებას შევძლებთ… ვკრებთ ფულს და იმის მიხედვით თუ რისი საშუალება გვექნება ვყიდულობთ: სამწვადეს, ქათმის ბარკლებს, სოსისს ან გაჭირვებულ შემთხვევაში კარტოფილს, რომელსაც ნაკვერჩხალში შევწვავთ…

როდესაც ეს ყველაფერი მოგვარდება, ვხედავთ, რომ რა თქმა უნდა რაღაც გვაკლია და რა თქმა უნდა ეს ,,რაღაც” სასმელია! რაც შეეხება დასალევს არავითარ შემთხვევაში არ ვსვამთ არაყს, ჭაჭას და მისთანებს, თუკი სიზმრის ნახვა გვინდა… სასურველია დავლიოთ დიდი რაოდენობით ლუდი, ან შედარებით მცირე რაოდენობით წითელი ღვინო… ეს შეკრება, დროსტარება, ჭამა-სმა და ღრეობა უნდა გაგრძელდეს ღამის 1-2 საათამდე… სახლში მობანცალებულნი ვსხდებით კომპიუტერთან და რადგან არაფრის წაკითხვის თავი არ გვაქვს, სკაიპში ვესაუბრებით მეგობარს თან ვცდილობთ, რომ 3 საათამდე არ გაგვექცეს, 3-ზე კი თავად ვემშვიდობებით და დასაძინებლად მივდივართ…

მაღვიძარას ვაყენებთ დილის 9 საათისთვის და ვიძინებთ… თუ მოხდა სასწაული და დილის 9 საათზე გაღვიძებულებმა გავიაზრეთ, რომ მთელი ღამის მანძილზე სიზმარი არ გვინახავს, არც ეს არის პრობლემა, რადგან მთავარი ,,მასიზმრებელი” და სასიამოვნო პერიოდი წინ გვაქვს… ნახევრადგახელილი თვალით ტელეფონზე ვმართავთ მაღვიძარას 09:20–ზე. ვინც დილის ძილის მოყვარული არ ხართ და არ იცნობთ ფუფუნების ამ მხარეს, ალბათ ფიქრობთ, 20 წუთით დაძინებას რა აზრი აქვსო… მაგრამ მე გეტყვით, რომ ეს 20 წუთი შეიძლება უფრო ხანგრძლივად მოგეჩვენოთ, ვიდრე, ზოგიერთი, 3–4 საათი და რაც მთავარია დილის ძილის დროს აუცილებლად ნახავთ სიზმარს, თანაც არაერთს… მაღვიძარას დარეკვის შემდეგ კიდევ 15–15 წუთით 2–ჯერ ჩავიძინებთ და 10 საათზე, როცა ფეხზე ვიდგებით შეგვეძლება გავაანალიზოთ და შევაფასოთ ჩვენი ირეალური თავგადასავლები!

გისურვებთ წარმატებებს >

Advertisements

1001 რატომ? (part 2)

ფიზიკა ჩვენს ირგვლივ

  1. თუ ხელისგულზე დადებულ აგურს ჩაქუჩს დავარტყამთ ტკვივილს ვერ ვიგრძნობთ. რატომ?
  2. ადამიანი წაბორძიკებისას ყოველთვის მოძრაობის მიმართულებით ეცემა, მოცურებისას კი მოძრაობის მიმართულების საწინააღმდეგოდ. რატომ?
  3. კენჭებიან ზღვის ნაპირზე ფეხშიშველი სიარულისას ფეხი გვტკივა, ხოლო თუ წყალში ღრმად შევალთ, ტკივილს ვეღარ ვიგრძნობთ. რატომ?
  4. რატომ რაკრაკებს ნაკადული?
  5. რატომ სრიალებს ყინულზე ციგურები კარგად? რატომ უარესდება ეს სრიალი ძლიერ ყინვაში?
  6. რატომ ფრიალებს დროშა ქარში?
  7. რატომ ჭიმავენ მაღალი ძაბვის ელექტროენერგიის გადამცემ ხაზებს ზემოთ ფოლადის საყრდენისაგან არაიზოლირებულ ორ დამატებით სადენს?
  8. რატომაა ჭექა–ქუხილის დროს გაელვება სწრაფი, ქუხილი კი ხანგრძლივი?
  9. რატომ არის საშიში ჭექა–ქუხილის დროს ჯგუფად დგომა?
  10. რატომ მიიღება უფრო ძლიერი ხმა ხის კარებზე დაკაკუნებით, კედელზე დაკაკუნებასთან შედარებით?

  1. ინერტულობის გამო აგური დარტყმის დროს ვერ ასწრებს საგრძნობლად შეიცვალოს სიჩქარე და არ დააწვება ხელს, რომლითაც ის უჭირავთ, ამიტომ ხელზე ჩაქუჩის დარტყმით გამოწვეულ ტკივილს ვერ შევიგრძნობთ.
  2. წაბორძიკებისას ადამიანის ფეხების სიჩქარე მცირდება, ხოლო ტანი ინერციით ინარჩუნებს თავის სიჩქარეს, ამიტომ ადამიანი მოძრაობის მიმართულებით დაეცემა; ხოლო როდესაც გასრიალდება, ფეხების სიჩქარე იზრდება, ტანი კი ინერციით ინარჩუნებს სიჩქარეს და მოძრაობის საწინააღმდეგოდ ვარდება.
  3. წყალში ადამიანზე გარდა სიმძიმის ძალისა მოქმედებს ვერტიკალურად ზემოთ მიმართული ამომგდები ძალა და იმდენად აღარ აწვება კენჭებიან ფსკერს, ამიტომ ტკივილსაც ნაკლებად იგრძნობს.
  4. წყლის ნაკადი იტაცებს და ახვევს ჰაერის ნაწილაკებს, მათგან წყალში იქმნება ბუშტულები. შემდეგ ეს ბუშტულები სკდება და ნაკადულის რაკრაკიც ამით აიხსნება.
  5. ყინულის ზედაპირზე ციგურების სრიალის დროს, წნევისა და ხახუნის გამო წარმოიქმნება წყლის შრე, რომელიც ამცირებს ხახუნის ძალას. დიდი ყინვისას ამ შრის წარმოქმნა არ ხდება და შესაბამისად ხახუნის ძალაც იზრდება.
  6. წინაღობის შეხვედრისას ქარი ხან ერთი, ხან მეორე მხრიდან წარმოქმნის მცირე გრიგალებს, რომელიც ჰაერის თანმიმდევრულ რხევას იწვევს. დროშის რხევის სიხშირე შეესაბამება გრიგალების სიხშირეს.
  7. დამატებითი სადენების დანიშნულებაა მარალი ძაბვის ხაზების დაცვა მეხისაგან.
  8. ელვის შუქი ჰაერში პრაქტიკულად სინათლის გავრცელების სიჩქარით ვრცელდება და ცის ნებისმიერი ხილული ადგილიდან ელვასთან ერთად შეიმჩნევა. ქუხილის (განმუხტვის) ხმა კი ბგერის გავრცელების სიჩქარით ჰაერში აირეკლება სხვადასხვა მხარეს მდებარე ობიექტივებიდან და დამკვირვებლამდე მოდის არა ერთდროულად, არამედ გარკვეული დაყოვნებით და ხანგრძლივი გრუხუნის სახიტ ვრცელდება.
  9. ჭექა–ქუხილის დროს ჯგუფად დგომა იმიტომ არის საშიში, რომ ორთქლი, რომელიც სუნთქვის დროს გამოიყოფა ელექტროგამტარობას ზრდის.
  10. კარები უფრო მეტად დეფორმირდება, ამიტომ მისი რხევის ამპლიტუდა უფრო დიდია. შესაბამისად ბგერებიც უფრო ძლიერია.

Part 1 – ფიზიკა ჩვენს ირგვლივ

1001 რატომ? (Part 1)

ფიზიკა ჩვენს ირგვლივ

  1. როგორ მოიქცეოდით სიარულის დროს, მოულოდნელად, ჭაობში რომ აღმოჩენილიყავით?
  2. ადამიანთან, რომელსაც ყინული ჩაემტვრა, მისვლა არ შეიძლება. გადარჩენისათვის მას დაუდებენ გრეხილ ფიცარს ან კიბეს… რატომ?
  3. რატომაა ნამი უფრო უხვად ცხელი დღის შემდეგ?
  4. რატომ ტკაცუნობს ხმელი შეშა, როცა იწვის?
  5. მაგიდის ჩოგბურთის ბურთი შეიჭეჭყა. რა უმარტივესი ხერხით შეიძლება აღნიშნული დეფექტის გასწორება?
  6. რატომ არის რომ, ორთქლი უფრო მეტად წვავს ადამიანს, ვიდრე იმავე ტემპერატურის მდუღარე წყალი?
  7. რომელ ტემპერატურაზე მოგვეჩვენება ერთნაირად გახურებული ლითონი და ხე, თუ მათ ხელს შევახებთ?
  8. ლურსმნის ქუდზე ბადისებრი ნაჭდევია, მის ქვემოთ კი – რამდენიმე ხაზი. რატომ?
  9. ახალი ქლიბით მუშაობისას საჭიროა მეტი ძალის გამოყენება, ვიდრე ძველი ქლიბით. მაშ, რატომ ამჯობინებენ ახალ ქლიბს?
  10. თოფიდან გასროლილი ტყვია ცარიელ ქილას მხოლოდ გახვრეტს, წყლით სავსეს კი დაამსხვრევს. რატომ?

  1. ამ შემთხვევაში საჭიროა, რომ ადამიანი ჭაობის ზედაპირზე გაწვეს ჰორიზონტალურად. ზედაპირის მართობულად მოქმედი ძალა (სხეულის წონა) გაცილებით მეტ ფართობზე განაწილდება და ადამიანი ჭაობში არ ჩაიძირება.
  2. ფიცარზე ან კიბეზე ადამიანის დაყრდნობისას, მისი სიმძიმე ნაწილდება დიდ ფართობზე და წნევა ყინულის ზედაპირზე მცირდება.
  3. როცა ცხელა, მეტი წყალი ორთქლდება და აბსოლუტური ტენიანობა იზრდება.
  4. ჰაერი ხის ფორებში ცხელდება, ფართოვდება და ხეთქავს ხის ბოჭკოს, რის გამოც ისმის ტკაცატკუცი.
  5. მოვათავსოთ ცხელ წყალში.
  6. ორთქლი გაცილებით მეტ სითბოს გამოყოფს, ვიდრე იმავე ტემპერატურის წყალი. ეს გამოწვეულია იმით, რომ ორთქლი იმავე ტემპერატურის წყლად გადაქცევის პროცესში გამოყოფს აორთქლების სითბოს.
  7. ადამიანის სხეულის ტემპერატურის ტოლ ტემპერატურაზე, როცა თბოგადაცემა არ ხდება.
  8. ისინი ზრდიან ხახუნის ძალას: ბადის ნაჭდევები ადიდებენ ხახუნს ლურსმნის თავსა და ჩაქუჩს შორის, ლურსმნის თავს ქვემოთ არსებული ხაზები კი ადიდებენ ხახუნის ძალას ლურსმანსა და ხის დეტალს შორის.
  9. ახალი ქლიბი ლითონში უფრო ღრმად შედის, რადგან მის ჭდეებს ნაკლები ფართობი აქვს; ამით კი მატულობს დეტალის დამუშავების სიჩქარე.
  10. როდესაც ტყვია ხვრეტს ცარიელ ქილას, ეს იმდენად სწრაფად ხდება, რომ ნახვრეტის მეზობელი ადგილები ამოძრავებას ვერ ასწრებს და ინერციით ინარჩუნებს უძრაობას. მაგრამ როდესაც ქილა ავსებულია წყლით, მაშინ ტყვია ქილის გახვრეტისას ხვდება წყალში, რომელიც მცირედ კუმშვადია , მოძრავი წყალი ძლიერ აწვება ქილის კედლებს, ამიტომ ქილა იმსხვრევა.

ალფრედ ნობელის ანდერძი, ანუ ნობელის პრემიის დაარსება

სიკვდილამდე დაახლოებით ერთი წლით ადრე, 1895 წლის 27 ნოემბერს, ალფრედ ნობელმა შეადგინა თავისი ანდერძი. მისი სიკვდილის შემდეგ, ანდერძის გამოქვეყნებამდე მისი ნათესავები და საქმოსანი კოლეგები იმედს არ კარგავდნენ, რომ ნობელი მათ ყურადღებას არ მოაკლებდა.

სიკვდილის წინ ალფრედ ნობელს ძალიან დიდი კაპიტალი ჰქონდა – ის შეადგენდა 33,3 მილიონ შვედურ კრონს, დაახლოებით ასეთივე თანხით იყო შეფასებული მისი უძრავი ქონებაც, ასე რომ ნობელი XIX საუკუნის დამლევს მსოფლიოში ერთერთი უმდიდრესი კაპიტალისტი იყო.

ყველა გააკვირვა ნობელის გადაწყვეტილებამ, როცა მან მთელი თავისი კაპიტალი საზოგადოებას უანდერძა.

ალფრედ ნობელის ანდერძის სრული ტექსტი

,,მე, ქვემო ხელისმომწერი, ალფრედ ბერნჰარდ ნობელი, მოფიქრების შემდეგ ვაცხადებ ჩემს საბოლოო ანდერძს იმ ქონების მიმართ, რომელიც შევიძინე ჩემი გარდაცვალების დროისთვის.

მთელი ჩემი დარჩენილი ქონება უნდა განაწილდეს შემდეგნაირად: ჩემმა ანდერძის აღმსრულებლებმა კაპიტალი ფასიან ქაღალდებად უნდა აქციონ და შექმნან ფონდი, რომლის პროცენტებიც გაუნაწილდება პრემიის სახით მათ, ვინც გასული წლის განმავლობაში ყველაზე მეტი სარგებელი მოუტანა კაცობრიობას.

აღნიშნული პროცემტები უნდა გაიყოს ხუთ ტოლ ნაწილად, რომლის ერთი ნაწილი მიეკუთვნება მას, ვისაც ყველაზე მნიშვნელოვანი აღმოჩენა ან გამოგონება ეკუთვნის ფიზიკის დარგში; მეორე ნაწილი – მას, ვინც განსაკუთრებით გამოიჩინა თავი ქიმიის დარგში; მესამე – მას, ვისაც ყველაზე დიდი წვლილი მიუძღვის ფიზიოლოგიის ან მედიცინის დარგში; მეოთხე – ვინც შექმნის იდეალისტური მიმართულების განსაკუთრებულ ნაწარმოებს და მეხუთე – ვინც ყველაზე მნიშვნელოვან წვლილს შეიტანს ერების შემჭიდროებაში, მონობის მოსპობის ან არსებული არმიების შემადგენლობის შემცირებაში და ხელს შეუწყობს სამშვიდობო კონფერენციების ჩატარებას.

ფიზიკოსებსა და ქიმიკოსებს პრემიებს მიანიჭებს შვედეთის მეცნიერებათა აკადემია, ფიზიოლოგიასა და მედიცინაში – კაროლინის ინსტიტუტი სტოკჰოლმში, ლიტერატურაში – აკადემია სტოკჰოლმში, მშვიდობისათვის მებრძოლებს კი – ხუთი კაცისგან შემდგარი კომიტეტი, რომელსაც ნორვეგიის სტორტინგი აირჩევს. ჩემი ჩემი დაბეჯითებითი სურვილია, რომ პრემიების მინიჭებისას ყურადღება არ მიექცეს კანდიდატების ეროვნებას, რათა პრემია ყველაზე ღირსეულმა მიიღოს, დამოუკიდებლად იმისა, სკანდინავიელია იგი თუ არა.

ეს ანდერძი უკანასკნელი და საბოლოოა, მას კანონიერი ძალა აქვს და იგი აუქმებს ჩემს ყველა წინა ანდერძს, თუკი ასეთი გამოჩნდება ჩემი სიკვდილის შემდეგ.

და ბოლოს, ჩემი აუცილებელი სურვილია, რომ გარდაცვალების შემდეგ გამოცდილმა ექიმმა დაადგინოს ჩემი სიკვდილის ფაქტი და მხოლოდ შემდგომ დაიწვას გვამი.”

ალფრედ ბერნჰარდ ნობელი

პარიზი, 27 ნოემბერი, 1895 წ.

რუსთავი 2 – მართლაც რომ ERROR

დაიწყო ჩემპიონთა ლიგის ჯგუფური ეტაპის თამაშები და ფეხბურთის ყველა გულშემატკივარი სამშაბათსა და ოთხშაბათს 22:45-ზე მოკალათებული იყო ტელევიზორთან… რუსთავი 2-ზე გადიოდა სარეკლამო რგოლი, რომელიც მთელი დღის მანძილზე იუწყებოდა, რომ 22:45-ზე იქნებოდა პირდაპირი ჩართვა ,,სანტიაგო ბერნაბეუ”-დან, სადაც რეალი აიაქსს მასპინძლობდა… მაგრამ ჰოი, საოცრებავ! რა ვქნათ თუკი თამაშის დაწყების დროისთვის არ დამთავრებულა ,,უაღრესად საინტერესო” გადაცემა – ,,დაამარცხე ვარსკვლავი”, სადაც დუტა სხირტლაძე ვინმე ლელას ეპაექრებოდა მანქანის მოსაგებად… ყოველივე ამის შედეგად მოხდა ის, რომ როცა ,,სპორტ 1”-ზე რეალის თამაშის მეორე ნახევრის დაწყებას ველოდი და ანგარიში 1:0 იყო, რუსთავი 2-ზე პირველი ტაიმი დაიწყო, ანგარიში – 0:0… არადა მეგონა, უკრაინას ჩვენ ვუსწრებდით 1 საათით…

არ ვიცი რამდენი კაცის გინება მოხვდა გუშინ ,,რ2”-ის ხელმძღვანელობას, მაგრამ ვფიქრობ, რომ საქართველოში რეალს ერთერთი ყველაზე მრავალრიცხოვანი გულშემატკივარი ჰყავს, მათ დაემატება აიაქსის მცირერიცხოვანი გულშემატკივარი და შეიძლება ვივარაუდოთ, რომ ვისაც ეს გინება შეეხო, სულ ცოტა, 1 კვირა ყურებდაწითლებულები ივლის…

ცისფერი მთვარე და ერთგული მეგობრობა

ვერასდროს წარმოვიდგენდი თუ ოდესმე ბორია მაისეევის სიმღერა მომეწონებოდა 😀 მაგრამ ყველაფერი ხდება… არის 2 სიმღერა, რომელთა ტექსტებიც ძალიან მომწონს და ყოველთვის სიამოვნებით ვუსმენ, ერთ-ერთი სწორედ ბორიას (როგორც მიხალიჩი იტყოდა – ,,გამასიაძინა” :D) სიმღერაა, მეორეს კი ,,ლიუბე” მღერის… უფრო მეტი სიმარტივისთვის ტექსტებს ვდებ სიმღერებთან ერთად, ამ სიმღერებში ხომ მთავარი სიტყვებია! 🙂

Любэ – Друг

Если радость на всех одна, на всех и беда одна,
Море встает за волной волна, а за спиной – спина.
Здесь у самой кромки бортов, друга прикроет друг,
Друг всегда уступить готов место в шлюпке и круг.

Друга не надо просить ни о чем, с ним не страшна беда.
Друг – это третье мое плечо, будет со мной всегда.
Ну а случится, что он влюблен, а я на его пути –
Уйду с дороги, таков закон: “третий должен уйти”.

Ну а случится, что он влюблен, а я на его пути –
Уйду с дороги, таков закон: “третий должен уйти”,
Уйду с дороги, таков закон: “третий должен уйти”.

Борис Моисеев и Николай Трубач – Голубая луна

Младший брат любовью чистой королеву полюбил
И однажды ей в лесу, в лесу тенистом свое сердце подарил
Ну, а старший выбрал чудо, одиночество небес
И все знали, что он никогда не будет покорителем невест

“Голубая луна всему виной” – все в округе говорили
Этой странной любви,
Этой странной любви так ему и не простили
Голубая луна, голубая луна,
Голубая луна, голубая
Как никто его любила голубая луна
Голубая луна, луна,
Голубая луна, голубая
Звезды сладостью поила голубая луна

И поставил младший как-то на дуэли жизнь за честь
Старший отнял меч и вымолвил по-братски:
“Честь моя – моя лишь честь”
Ты люби, и будь любимым и будь счастлив брат
Я теряю все, но ты теряешь больше и ушел в закат…

,,დიდოსტატის” ფერები

უჯრის დალაგებამ, საინტერესო ჩანაწერებზე და ნივთებზე წაწყდომა იცის… ბოლო დალაგებისას ერთ კინკილა ფურცელს წავაწყდი, რომლის პოვნამაც ძალიან გამახარა :)… როცა ,,დიდოსტატის მარჯვენას” ვკითხულობდი, როგორც ჩანს ჩემი ყურადღება მასში აღწერილ ფერებს მიუქცევია და მათი ამოწერა დამიწყია… არ ვიცი წიგნის ბოლო ფურცლამდე ვიწერდი განსხვავებულ ფერებს, თუ სადმე შუაგზაში შევწყვიტე, მაგრამ ამ ,,კინკილა ფურცელზე” 73 ფერი მიწერია და მათ უცვლელად ჩამოვწერ:

  1. ქლიავისფერი
  2. ხვლიკისფერი
  3. ოქროცურვილი
  4. ქარვისფერი
  5. მრუმე
  6. ქერა
  7. თეთრი
  8. მუქლურჯი
  9. ფოლადისფერი
  10. ისრიმისფერი Read more of this post