,,სიმართლის დრო” – ნაირა კალანდია

წამყვანი – ნანკა კალატოზიშვილი

მოთამაშე – ნაირა კალანდია, 62 წლის დევნილი სოხუმიდან

1) აფხაზეთის ომი პოლიტიკოსების წაგებულია?

პასუხი – კი (სიმართლე)

2) ადანაშაულებთ მეუღლეს იმაში, რომ თქვენმა ოჯახმა სოხუმი უფრო ადრე არ დატოვა?

პასუხი – კი (სიმართლე)

3) თვლით, რომ დედის მიერ ერთერთი შვილის გამორჩეულად სიყვარული დიდი შეცდომაა?

პასუხი – კი (სიმართლე)

4) თქვენი შვილი წინასწარ გრძნობდა, რომ ვერ გადარჩებოდა?

პასუხი – კი (სიმართლე)

5) გერჩივნათ თქვენი შვილის ადგილას თქვენი მეუღლე ყოფილიყო?

პასუხი – კი (სიმართლე)


6) ნამდვილად ცდილობდა რუსი ჟურნალისტი თქვენგან გამწარებული აფხაზი დედა გამოეყვანა?

პასუხი – კი (სიმართლე)
მოიგო 400 ლარი და თამაში გააგრძელა

7) დევნილის სტატუსით ცხოვრება თქვენთვის უფრო ძნელი აღმოჩნდა ვიდრე სოხუმიდან თბილისამდე გავლილი გზა?

პასუხი – არა (სიმართლე)

8) ძვირფასეულობა და ფული ,,მხედრიონელებს” გადაუმალეთ?

პასუხი – კი (სიმართლე)

9) სოხუმში დაბრუნების შემთხევავაში შეძლებთ აფხაზებთან თანაცხოვრებას?

პასუხი – კი (სიმართლე)

10) თქვენს გადარჩენას ახალგაზრდა უცნობ აფხაზს უნდა უმადლოდეთ?

პასუხი – კი (სიმართლე)

11) კაზაკები და რუსები განსაკუთრებული სისასტიკით გამოირჩეოდნენ?

პასუხი – კი (სიმართლე)

მოიგო 4 000 ლარი და თამაში შეწყვიტა

რას და რატომ ფიქრობენ გოგოები?!

1) ,,უროდი” გოგო, რომელიც ცხოვრებაში არავის მოსწონებია, თმას შეიღებავს და იმავდროულად მამამისი ,,Land Cruiser”-ს იყიდის, ,,პაკლონიკების” გამოჩენის შემდეგ რატომ ფიქრობს, რომ მისი გაპოპულარება თმის შეღებვის შედეგია?
2) როცა გოგო და ბიჭი მეგობრობენ და ერთმანეთს ,,ძმაკაცს” და ,,დაქალს” უწოდებენ, რატომ ფიქრობს გოგო, რომ რო მისცეს, ბიჭი უარს ეტყვის და არ ,,მოჭიმავს” (გარდა რამოდენიმე გამონაკლისისა)?
3) რატომ ფიქრობ გოგო, რომ თუკი ქუჩაში თვალს გავაყოლებ ე.ი. მომეწონა და რატომ ვერ ხვდება, რომ მასზე დაცლილმა სუნამომ გამაღიზიანა… გონებაში კი მხოლოდ: ,,მოგტყდეს ქუსლი, მოგტყდეს ქუსლი!” – მიტრიალებს?

4) რატომ ფიქრობს გოგო, რომ თუ ბიჭს ფეხბურთზე დაუწყებს ლაპარაკს და ეტყვის ბარსას ფანი ვარო, ამით თავს მოაწონებს? და რატომ ვერ ხვდება, რომ ამ დიალოგის შემდეგ კაფეს მაგივრად, შეიძლება სტადიონზე ამოყოს თავი (მაქსიმუმ)?

5) რატომ ფიქრობს გოგო, რომ თუ მეტროში თავზე დამადგება და ნაგლად დამიწყებს თვალებში ყურებას, ადგილს დავუთმობ და ვკითხავ: ,,გოგონი შეიძლება შენი გაცნობა”?

ცრურწმენებთან მებრძოლი(ს) პოსტი

,,ცრურწმენები – ეს ისაა, რასაც ბრიყვები ყველაფერს აბრალებენ”
ვოლტერი

საშინელ ხასიათზე ვიღვიძებ… ვერ ვიტან სიზმრებს, ყოველთვის ცუდი დასასრული აქვთ… ამჯერადაც, თვიმფრინავიდან გადმოვხტი და პარაშუტი არ გაიხსნა… გულისცემა კოდალას ხეზე კაკუნის სიჩქარეს არ ჩამოუვარდება, ვწევარ და ვფიქრობ – რას უნდა ნიშნავდეს ეს სიზმარი? ვინც არ უნდა მითხრას, სიზმარში სიკვდილი კარგის ნიშანიაო, არ დავუჯერებ, დილიდან, რომ საშინელ ხასიათზე დაგაყენებს რაღაც, დადებითი როგორღა უნდა იყოს? საწოლიდან ვდგები, ძირს ვიხედები და… ,,ვაიმე ბედო უკეთურო”, მარცხენა ფეხზე ავმდგარვარ… დღის არაჩვეულებრივი დასაწყისია, ვერაფერს იტყვი.
საათს ვუყურებ, 10-ს უკლია 15 წუთი, 15 წუთში უნდა გავიდე სახლიდან, თორემ ლექციაზე დამაგვიანდება… არადა, მაღვიძარა დაყენებული მქონდა, ნეტა რატომ არ დარეკა? რისი ნიშანია? არ მომწონს ეს ყველაფერი… ხომ არ აჯობებს საერთოდ არ გავიდე სახლიდან? აშკარად არ არის დღეს ჩემი დღე, მაგრამ – არა, კოლოკვიუმს ვერ გავაცდენ…

აბაზანაში შევრბივარ ხელ-პირის დასაბანად, იქ კი საშინელება მხვდება – სარკე გატეხილა. წამიერად შიგ ჩავიხედე და ნეტა მომივა რამე? შემთხვევით მომივიდა, არ ვიცოდი, რომ გატეხილი იყო! თვალებდახუჭული ვიბან ხელ-პირს და სამზარეულოში გავდივარ. ჩქარ-ჩქარა ვიწყებ ჭამას, 2 წუთში უნდა გავიდე… პურის ასაღებად გაწვდილი ხელი სამარილეზე მიხვდება და მარილი მაგიდაზე იყრება, არ მაქვს ვინმესთან ჩხუბის თავი, ამიტომ, სასწრაფოდ, ვასხამ წყალს მიმობნეულ მარილს და მშვიდად ვაგრძელებ ჭამას – ჩხუბი თავიდან აცილებულია… ჭამაც მოვამთავრე და მაგიდის ალაგება დავიწყე, ბედი არ გინდა? ჩანგალი ძირს მივარდება… კიდევ კარგი გავრბივარ უკვე, თორემ სტუმრის მიღების დრო ნამდვილად არ მაქვს.
კარის დაკეტვისას ზევით ვიხედები და ვხედავ, რომ იქ დამაგრებული ნალი თითქმის ჩამოვარდნილია და ერთ ლურსმანს ებღაუჭება… უკმაყოფილოდ ჩავდივარ კიბეებზე და ტელეფონზე კალენდარს ვუყურებ – 13 მაისია, პარასკევი დღე… ვიღიმი და ვფიქრობ – შავი კატა აკლია ამ ყველაფერს-თქო და… აი, ბედის დაცინვა – სადარბაზოს გასასვლელში შავი კატა მირბის… ეს უკვე მეტისმეტია, დღეს დიდი უბედურება შემემთხვევა, ეს ნიშნები მაფრთხილებენ და არ ღირს მათი უყურადღებოდ დატოვება, ჭირსაც წაუღია კოლოკვიუმი, მთავარია მე ვიყო კარგად. ავალ სახლში და ფეხს აღარ გავდგამ გარეთ!
P.S. მოკლედ, ვინც ასეთ დღეში ხართ სერიოზული პრობლემაა თქვენ თავს… ასე რომ თავს უშველეთ!…

,,ბაითში” ვერ დაფასდა და საფლავში გადაბრუნდა…

არ ვაპირებ განაწყენებულმა ინგლისი – გერმანიის მატჩზე ვისაუბრო… უბრალოდ ყველა გერმანიის გულშემატკივარს ვულოცავ შემდეგ ეტაპზე გასვლას…

ახლა უბრალოდ მინდა გუშინდელ დღეს შევეხო, როცა სულმოუთქმელად ველოდი ვიქტორ ცოის საღამოს გამართვას ბარ – ,,ბაითში”… მიუხედავად იმისა, რომ ცოის დაბადების დღე 21 ივნისს იყო და საღამო 26 ივნისს იმართებოდა, ყურადღება არ მივაქციე ამას, ჯადაბას, რახან იმართება მაგას დავეძებ თქო?…

პირველად ვიყავი ,,ბაითში”… ტერიტორიულად კარგი ადგილი, ანუ 1 ,,+”… ჩასასვლელი – მიმზიდევლი და წინასწარ კარგი განწყობის შემქნელი, ანუ 2 ,,+”… შემდეგ კი… სივრცის უდიდესი ნაკლებობა 1 ,,-”… ჩახუთულობა, უჰაერობა – 2 ,,-”… არანაირი აკუსტიკა 3 ,,-”… არ ისმის შემსრულებლის ხმა და მუსიკის ტექსი (,,კინო” ტექსტის გარეშე) 4 ,,-”… აღარ გავაგრძელებ არაფრის ჩამოთვლას, უბრალოდ ვიტყვი, რომ თუ აკეთებ ასეთ საღამოს უბრალოდ, მეგობრების წრეში, სადაც მღერის ყველა ვისაც უყვარს ცოი და ვინც ტექსტის მხოლოდ მისამღერი მაინც იცის, ეს არის ძალიან მაგარი და აღიარებს ყველა, რომ ,,Цой жив, Цой будет жит”!.. მაგრამ როცა ამ საღამოს აპიარებ და იწვევ უცხო ხალხს მასზე დასასწრებად, შესვლაც ფასიანია და შესაბამისად უქმნი განწყობას, რომ პროფესიონალი მუსიკოსების მიერ ორგანიზებულ ,,ივენთზე” მიდის, მაშინ ,,მაგრად ტეხავს” ეს საქციელი…
ცოი, თვით ცოიც კი საფლავში ბრუნავს ალბათ გუშინდელი დღის შემდეგ… და მეც მეწყინა, მეწყინა რომ ის ძვირფასი დრო იქ გავატარე… წამოსვლით კი ვერ წამოვიდოდი, რადგან ყოველი სიმღერისა და შესრულების შემდეგ უკეთესს ველოდი… ველოდი მაგრამ…
აი ცოი და აი ,,კინო”
,,მოკვდა კაცი, მორჩა კინო”…

,,სიმართლის დრო” – თორნიკე ბზიავა

წამყვანი – ნანკა კალატოზიშვილი

მოთამაშე – თორნიკე ბზიავა, რეჟისორი

სიკო დოლიძის შვილიშვილი და ქეთი დოლიძის შვილი

1) დიდი სიამოვნებით იქნებოდი სიკო დოლიძის მსგავსი რეჟისორი?

პასუხი – არა (სიმართლე)

2) შენი ნიჭიერება მხოლოდ მითია, რომლისაც ყველაზე მედად შენ გჯერა?

პასუხი – არა (სიმართლე)

3) შენს განათლებას რაც შეეხება – უფრო მეტი გაქვს გაგონილი ვიდრე წაკითხული?

პასუხი – კი (სიმართლე)

4) ფულბრაიტის სტიპენდია დამსახურებულად მიიღე?

პასუხი – კი (სიმართლე)

5) ჭკვიან ადამიანებთან უფრო ნაკლებს ლაპარაკობ ვიდრე ჩვეულებრივებთან?

პასუხი – არა (სიმართლე)


6) ბედნიერი ადამიანი ხარ?

პასუხი – კი (სიმართლე)
მოიგო 400 ლარი და თამაში გააგრძელა

7) მამაშენი უფრო ნიჭიერი ადამიანია ვიდრე ოჯახის დანარჩენი წევრები ერთად აღებული?

პასუხი – არა (სიმართლე)

8) მეგობრებს ბევრი ლაპარაკით თავს აბეზრებ?

პასუხი – კი (სიმართლე)

9) აჩი არველაძე შოთაზე ნიჭიერი ფეხბურთელია?

პასუხი – კი (სიმართლე)

10) როგორც სცენარისტი საკმაოდ ნიჭიერი ხარ?

პასუხი – არა (სიმართლე)

11) მიგაჩნია რომ შვილზე უფრო მეტად უნდა ზრუნავდე?

პასუხი – კი (სიმართლე)

მოიგო 4 000 ლარი და თამაში გააგრძელა

12) მეტიჩარა ხარ?

პასუხი – კი (სიმართლე)

13) როგორც რეჟისორი უფრო ნიჭიერი ხარ ვიდრე ქეთი დოლიძე?

პასუხი – კი (სიმართლე)

მეცამეტე კითხვის შემდეგ აღარ მოისმინა შემდეგი და თამაში შეწყვიტა… აღნიშნა, რომ ახსოვდა ის კითხვები რაც უკვე დაუსვეს დეტექტორზე ტესტირებისას და არ სურდა მათზე საუბარი…

მოიგო 4 000 ლარი
P.S. ეს იყო ყველაზე უინტერესო ,,სიმართლის დრო”, ყველაზე უინტერესო და არაფრისმომცემი კითხვებით, რაც კი საერთოდ გასულა ეთერში…

ყველაზე კარგი ჩემს ცხოვრებაში

ვაგრძელებ აკუს წამოწყებულ, კიდევ ერთ, ბლოგერულ თამაშს…

ვიხსენებ კარგ წამებს, კარგ წუთებს, კარგ დღეებს – ჩემი ცხოვრებიდან…

სიმართლე ვთქვა მიჭირს გახსენება… არც ისე ბევრია…

მოკლედ, დავიწყებ ჩამოთვლას და ვნახოთ რა გამოვა:

1) მიმაჩნია, რომ პირველი სიკარგე ჩემ ცხოვრებაში ჩემი დაბადებაა. ჯერჯერობით მხოლოდ ჩემთვის, მომავალში კი – მთელი მსოფლიოსთვის… :))

2) სკოლის დამთავრება და უნივერსიტეტში ჩაბარება…

3) პირველი დღე IFES-ში…


4) პირველი გატარებული ღამე კარავში, ანუ სიონთან ჩახუტება…


5) ძმისშვილის (დავითის) მოვლინებაი ამ ქვეყანაზედ :*


6) გავაერთიანებ 3 მოვლენას, უფრო ზუსტად კი 3 კონცერტს:

Katie Melua (Tbilisi, Opera House)

Uriah Heep (Tbilisi, Event Hall)

Deep Purple (Yerevan, Sport & Concert Complex)

ახლა მხოლოდ ეს მახსენდება…ვთაგავ როდრიგოს, წყაროს და ეგოისტს ;)))

წინ გადადგმული ნაბიჯი უსინათლოთა წიგნიერებისკენ

წინა პოსტში აღვნიშნე, რომ 19-ში, ეროვნული ბიბლიოთეკის საგამოფენო დარბაზში, ბრაილის შრიფთით დაბეჭდილი თანამედროვე ქართული პროზისა და პოეზიის მცირე ანთოლოგიების პრეზენტაცია უნდა შემდგარიყო… ეს პრეზენტაცია დღეს შედგა და დავესწარი კიდეც…
არც ისე ცოტა ადამიანი დაესწრო პრეზენტაცია-გამოფენას, მაგრამ ვფიქრობ, მეტიც უნდა მოსულიყო
მოკლედ, მოვიხიბლე პროექტით ,,ვიმეგობროთ უსინათლოებთან” და ძალიან მინდა მცირედი წვლილი შევიტანო მათ დასახმარებლად, რამდენად ვახერხებ ამას, არ ვიცი, მაგრამ ვცდილობ… ასე რომ ნუ იფიქრებთ რა ტვინი გაბურღა ამ კაცმა ამ პროექტითო!

კრეატიული სტუდია iGEO-ს ინიციატივით, მარიანა ნანობაშვილის რედაქტორობით და ხათუნა გოგიძის (გამომცემელი) წყალობით, გამომცემლობა ,,ტიფლოპოლიგრაფიამ” გამოუშვა ეს უნიკალური ანთოლოგიები, რომელიც ბრაილის შრიფტით არის დაბეჭდილი და 40-მდე თანამედროვე პროზაიკოსისა და 60-მდე პოეტის ნაწარმოებებს მოიცავს. ამ ფაქტმა უზომოდ გაახარა უსინათლოები, რადგან ათეულობით წლების მანძილზე, მსგავსი არაფერი გამოცემულა…

გამოფენაზე ბევრი ჩემთვის საინტერესო და აქამდე ,,უნახავი” რამ ვნახე 🙂 ამ ყველაფერს და პრეზენტაციის მიმდინარეობას, თვალსაჩინოებებით, ფოტოკოლაჟის სახით წარმოგიდგენთ:

პოეზიის მცირე ანთოლგია

აუდიო ლიტერატურა უსინათლოთათვის

რუკა ბრაილის შრიფტით

ხმოვანი კომპიუტერი, რომლის მსგავსი, თანამედროვე აპარატურის შესაძენად ,,უსინათლოთა კავშირს” 100 000$ ესაჭიროება.

ტაქტილური (შეხებითი) ნახატი

ბრაილის შრიფტით საბეჭდი მანქანა

დაფა და ,,კალამი” ბრაილის შრიფტით საწერად

ადაპტირებული შაში უსინათლოთათვის

ადაპტირებული ჭადრაკი უსინათლოთათვის

გლობუსი უსინათლოთათვის (ჩემი რჩეული)