ვჭრით და ვაშენებთ

მოკლედ, არ ვიცი კონკრეტულად ვის უნდა შევჩივლო: გარემოს დაცვის სამინისტროს, შსს-ს, მერიას, ,,მწვანე-მწვანე” არასამთავროებს თუ მაო ავაყენო ძედუნი და შველა ვთხოვო…

საქმე ეხება მოსკოვის პროსპექტზე, 70-მდე მოჭრილ ფიჭვის ხეს, რომლებიც პოლიციის ახალ შენობას ემსხვერპლნენ. სადაც ეს შენობა შენდება, იმ ადგილებში გავიზარდე, მის მოპირდაპირე პოლიკლინიკაში გავიკეთე პირველი აცრა და მის საძირკველზე მდგარ რელსებზე ჩავჯექი პირველად ტრამვაიში. ბევრმა თბილისელმა არ იცის ამ ადგილის შესახებ და ალბათ ფიქრობენ, რადგან შენდება, ე.ი. სტრატეგიულად კარგი ადგილიაო, მაგრამ მე გეტყვით როგორი  ადგილიც არის.

შევეცდები ხელით დავხატო ეს ადგილი:

მგონი ამ ნაწვალებმა ნახატმა, ზოგადი წარმოდგენა შეგიქმნათ, ახლა კი გავაგრძელებ იმის თხრობას, რაც ნახატზე ვერ დავატიე. სამშენებლო ადგილიდან 50 მეტრის დაშორებით (მარჯვენა მხარეს) არის პოლიციის განყოფილება, რომელიც ჩემ ბავშვობაშიც მუშაობდა და დღემდე მუშაობს, მაგრამ ეს განყოფილება არის საცხოვრებელი კორპუსის პირველ სართულზე და გაფართოების საშუალება არ აქვს.

მიღალატე, მაგრამ ბედნიერებას გისურვებ

მე, მისი ერთი მოსმენით მოვიხიბლე და ერთი ნახვით შევიყვარე…

მიყვარდა წრფელად, ალალად, ღრმად და უანგაროდ…

მასზე ვესაუბრებოდი ყველას, ვაქებდი, ვადიდებდი, ვიცავდი, ვეაჯებოდი, ვესარჩლებოდი და ვქომაგობდი…

ვიცოდი, რომ არ იყო მზად სიყვარულისთვის, თავად მითხრა:

,,I was fine, feeling strong,
Didn’t want to fall in love with anyone”

მეც ვიცდიდი და ველოდებოდი, არ ვაწუხებდი და თავს არ ვაბეზრებდი. გავიდა ცოტა ხანი და ის შეიცვალა, გამოცოცხლა, ულამაზესი თვალები სინათლით აევსო და თქვა:

,,But I do believe in love”

ამ სიტყვება მეც გამომაცოცხლა, სიცოცხლის ხალისი დამიბრუნა და მაგრძნობინა, რომ ყველაფერი კარგად იქნებოდა…

წარმოუდგენელი სიზუსტისა და ნერვების მქონე ,,ბანქოს მამა”

This slideshow requires JavaScript.

ბრაიან ბერგი 8 წლის იყო, როცა ბაბუამ კარტებით ფიგურების აწყობა ასწავლა. თუმცა ყველა ის ტექნიკა, რასაც დღეს იგი იყენებს, თვითონვე შეიმუშავა. ბერგის კარტების ნაგებობები თავისუფლად დგას ბადისმაგვარი განლაგების წყალობით, რისი სიმყარეც ხელოვანმა სტრუქტურული ინჟინერიის ლაბორატორიაშიც კი გამოსცადა – თანაც ყველანაირი ლენტის, წებოს, გადაკეცვისა თუ სხვა რამ ხრიკის გამოყენების გარეშე.

ბერგი გინესის მსოფლიო რეკორდსმენია 1992 წლიდან სათამაშო კარტებისგან გაკეთებული თავისუფლად მდგარი უმაღლესი სახლის აშენებისთვის. გინესის მსოფლიო რეკორდების კომისიამ ცალკე კატეგორიაც კი შექმნა 2004 წელს ბერგის მიღწევის დასაფიქსირებლად – მან კარტებისგან თავისფლად მდგომი ყველაზე განიერი სახლი ააგო. ბერგმა რამდენჯერმე მოხსნა საკუთარი რეკორდები და დღემდე თვითონ უჭირავს საუკეთესოს ტიტული. იგი რეგულარულად დადის მსოფლიო ტურნეებზე და კარტების ნაგებობებს ჩრდილოეთ ამერიკას, ევროპასა და აზიას აჩვენებს.

ბერგს აიოვას სახელმწიფო უნივერსიტეტისგან მიღებული აქვს პროფესიული ხარისხი არქიტექტურაში და დიზაინში მიღწევის ჯილდო, დიზაინის მაგისტრატურა კი მან ჰარვარდში გაიარა.

Pencil Art (ფოტოკოლაჟი)

This slideshow requires JavaScript.

მასაჩუსეტში მოღვაწე, უნიკალური, ფანქრის ქანდაკებების ავტორი ჯენიფერ მაესტრი, 1959 წელს სამხრეთ აფრიკის ქალაქ იოჰანესბურგში დაიბადა.  დაამთავრა უელსის კოლეჯი და აღებული აქვს მასაჩუსეტსის სამხატვრო კოლეჯის ბაკალავრის ხარისხი.

მისთვის შთაგონების ძირითადი წყარო ზღვის ზღარბის ფორმა და ქსოვილია. ქანდაკებების შესაქმნელად ჯენიფერი მრავალგვარ ფანქარს, ლურსმანსა და ნაწიბურს იყენებს. ის ასობით ფანქარს პატარა, ერთინჩიან ნაწილებად ჭრის, შემდეგ თითოეულ მათგანს ხვრეტს, პირს უწვეტებს და ერთმანეთს აკერებს.

,,უმადური ჰოსპიტალიზაცია”

This slideshow requires JavaScript.

ზამთრის დადგომას კახეთში  მეგობართან შევხვდი და როცა 2 დეკემბრის დილას, ნაბახუსევზე, მაღაზიის ძიებისას ლაგოდეხის ცენტრში აღმოვჩნდი, მომეჩვენა, რომ მეტისმეტად ბევრი ადამიანი ირეოდა ახლადაშენებეული ,,არქიმედეს კლინიკის” წინ, რომელიც იმდენად ლამაზი იყო, მხოლოდ დასათვალიერებლადაც კი მიიზიდავდა ხალხს, მაგრამ როგორც აღმოჩნდა ეს ხალხი კლინიკის ოფიციალურად გახსნას და ამ ცერემონიის აღმსრულებლებს – საქართველოს პრეზიდენტსა და ჯანდაცვის მინისტრს ელოდა. ასე გავხდი ამ ღირსშესანიშნავი ცერემონიის მომსწრე და რა თქმა უნდა დეტალებითაც დავინტერესდი:

20 საწოლიანი ,,არქიმედეს კლინიკა” საქართველოს ჰოსპიტალური სექტორის განვითარების გეგმის ფარგლებში, სადაზღვევო კომპანია ,,არქიმედეს გლობალ ჯორჯიამ” ააშენა და ულტრათანამედროვე აპარატურით აღჭურვა. კლინიკაში დასაქმებული ექიმებისა და მენეჯერების გადამზადება მოხდა ისრაელში, ხოლო დანარჩენი პერსონალი საქართველოში, რამდენიმე ეტაპად, ინდივიდუალური პროფილების მიხედვით გადამზადდა. სულ დასაქმებულია 124 ადამიანი და კლინიკას დღეღამეში 100 პაციენტის მიღება შეუძლია, ამ ყველაფრისთვის კი ,,არქიმედეს გლობალ ჯორჯიამ” 2 მილიონი დოლარის ინვესტიცია მოიზიდა.

ის, რომ კლინიკა ძალიან ლამაზია, ულტრათანამედროევა და მაღალკვალიფიციური პერსონალით არის დაკომპლექტებული, ზოგადად, სასიამოვნო ფაქტია, მაგრამ ორმაგად მნიშვნელოვანია ის, რომ ეს ჰოსპიტალი ფუნქციონირებს ლაგოდეხში და არა თბილისში ან ბათუმში. უმეტეს შემთხვევაში კახელებს, თბილისის საავადმოფოებში ჩამოსვლა და მკურნალობა უწევდათ, ახლა კი შეძლებენ ხარისხიანი სამედეცინო დახმარება ,,სახლში”, დედაქალაქში ჩამოუსვლელად მიიღონ.

ფრანგის თვალით დანახული თბილისი

This slideshow requires JavaScript.

გუშინ, ოფიცერთა სახლში ვიყავი ძალიან მაგარ გამოფენაზე, სახელწოდებით ,,Portraits De Ville” (,,ქალაქის სახეები”)…  გამოფენის ავტორია ფრანგი ფოტოგრაფი ვინსენტ ლაპარტიენი (Vincent Lappartient). ამ გამოფენამდე ვინსენტმა საქართველოში განახორციელა 2 პროექტი: ,,Vestiaires” (,,რეპორტაჟი პოდიუმის მიღმა”) და ,,Vine to Wine”…

ახლა კი რუსთაველის 16 ნომერში მისი შექმნილი წიგნის ,,თბილისი”-ს ნახვაა შესაძლებელი… 6 თვის მანძილზე ფოტოგრაფი 6-ჯერ ჩამოვიდა თბილისში და თითო კვირა მუშაობდა, შედეგად მისი თვალით დანახული თბილისი ერთ წიგნად გამოიცა. გამოფნაზე წარმოდგენილია ის ფოტოებიც, რომლებიც წიგნში არ არის შეტანილი, მაგრამ ფოტოაპარატის ობიექტივში მოხვდნენ.

ჩემი Facebook Friend-ების 10 საუკეთესო სტატუსი #7

BigCrow Moammar Yvavski

‎- Я сегодня не выспался…
- А причина?
- Причина тоже не выспалась…

Giga Pacho

Dad can I go to a 50 Cent concert?
Dad: Here’s $1, take your sister too.

Kate Alukard

Мальчик подбегает к маме на улице.
- Мама! А у мальчика от мальчика могут быть дети?
- Нет, конечно.
Убегает от мамы с криками: – Пацаны, продолжаем

Tariel Gasitashvili

ბატონი ბიძინა იმ ქოხში დაიბადა, რომელიც თავად ააშენა.