TBC Hell

ახლა მოგიყვებით ამბავს, თუ როგორი ჯოჯოხეთი მომიწყო ბანკმა, რომელიც ყოველთვის საუკეთესოდ მიმაჩნდა და რომელიც მეუბნებოდა, რომ ,,ჩვენ, ვაძლიერებდით ერთმანეთს”…

გუშინ, ღამის 2 საათამდე დოლიძის დასაწყისში ვიყავი მეგობართან. იქიდან რომ გამოვედი, ფული საერთოდ აღარ მედო ჯიბეში, მაგრამ თიბისი ბანკის ერთერთ ბარათზე მქონდა გარკვეული თანხა და გავუყევი გზას პეკინის 6-ში მდებარე ბანკომატისკენ, რომ ტაქსით წავსულიყავი სახლში. ჩავდე ბარათი, ავკრიფე პინ-კოდი და თანხის გატანაზეც და ნაშთის ნახვაზეც მიწერდა ,,უარი გეთქვათ ტრანზაქციაზე” (შეიძლება სიტყვები სხვა თანმიმდევრობით ეწერა, მაგრამ აზრი ეს იყო), დავრეკე ბანკში და ოპერატორს შევჩივლე პრობლემის შესახებ, თან წვიმა დაიწყო და ვჩქარობდი… ოპერატორმა მირჩია სხვა ბანკომატისთვის მიმემართა და 2 უახლოესი ფილიალის მისამართი მომცა: პეკინის 29 ,,ოკაიდი” და საბურთალოს ქუჩა. საბურთალოს ქუჩაზე ზუსტად გამახსენდა სადაც იყო ბანკი და გადავწყვიტე იქ მივსულიყავი. სიარულში ვსველდებოდი, მაგრამ მთლად თავსხმაც არ იყო, ვიტანდი. ბანკომატთან რომ მივედი 24-25 წლის ბიჭი დამხვდა, რომელიც ბანკომატიდან ელოდებოდა ბარათს მაინც, რადგან აპარატი ჭედავდა, ფულს არ იძლეოდა და კარტა მაინც დამიბრუნოსო ამბობდა. რამდენიმე წუთში ბარათი დაუბრუნა ბანკომატმა, ბიჭმა იფიქრა, იფიქრა და კიდევ ერთხელ ცდა გადაწყვიტა, მაგრამ შედეგი ისევ ისეთი აღმოჩნდა…

მაჭანკლობა იმედზე

მაჭანკალი — მექორწინე მხარეთა საქმის მომგვარებელი, შუამავალი, რომელიც გასამრჯელოს მიღების პირობით დასაქორწინებელთა, უმთავრესად ვაჟის ოჯახის, დავალებებს ასრულებდა. გადაცემა ხანუმა

ისტორიულად მაჭანკლობა განვითარდა შუაკაცთა ინსტიტუტიდან, რაც არქაული დროიდან იყო ცნობილი საქორწინო ურთიერთობებში. პროფესიონალი ეკონომიკურად დაინტერესებული მაჭანკალი საქართველოში კაპიტალისტური ურთიერთობებთან ერთად გაჩნდა. ამ საქმეს ძირითადად მისდევდნენ ასაკოვანი პირები (უპირატესად ქალები),

ვიკიპედია

ასე განმარტავს სიტყვა მაჭანკალს ვიკიპედია. ამ ტრადიციის შესახებ, ასე თუ ისე ყველას აქვს გაგონილი ცოტაოდენი მაინც: მოთხრობებიდან, ბებია-ბაბუისგან, ან თავადაც შესწრებია მაჭანკლობას რომელიმე სოფელში. ტრადიცია ბევრი იყო, მაგრამ რამდენიმე დავიწყებას მიეცა, რადგან მისი დროის თანამედროვე ადამიანი თვლიდა, რომ მის ეპოქაში მიუღებელი იყო ესა თუ ის ტრადიცია და მისი შემონახვა კარგს არაფერს მოუტანდა ხალხს. მეგონა, რომ დღეს, მაჭანკლობისა და გარიგების შემთხვევები ყველას მარაზმად მიაჩნდა, მეგონა, ყველა მიხვდა იმ ელემენტარულს, რომ საქმრო/საცოლის არჩევა სხვას არ უნდა მიანდო და თავად მიიღო გადაწყვეტილება… მეგონა, მეგონა მაგრამ ვცდებოდი… ახალი გადაცემა ხანუმა იმედზე. ეკა კახიანი,წურწუმია

ჩემდა გასაკვირად, პირადად წავაწყდი გარიგების შემთხვევას ხაშურის ერთერთ სოფელში და შეუღლებული წყვილიც გავიცანი (2011 წელს), თუმცა მაინც იმედიანად ვიყავი, რომ ეს მარაზმი მალე შეწყდებოდა და ეს შემთხვევა ,,შემორჩენილ იშვიათობად” ჩავთვალე.

2012 წელი. ახალი გადაცემა ტელეკომპანია ,,იმედზე”, სახელწოდებით – ,,ხანუმა”

ვჭრით და ვაშენებთ

მოკლედ, არ ვიცი კონკრეტულად ვის უნდა შევჩივლო: გარემოს დაცვის სამინისტროს, შსს-ს, მერიას, ,,მწვანე-მწვანე” არასამთავროებს თუ მაო ავაყენო ძედუნი და შველა ვთხოვო…

საქმე ეხება მოსკოვის პროსპექტზე, 70-მდე მოჭრილ ფიჭვის ხეს, რომლებიც პოლიციის ახალ შენობას ემსხვერპლნენ. სადაც ეს შენობა შენდება, იმ ადგილებში გავიზარდე, მის მოპირდაპირე პოლიკლინიკაში გავიკეთე პირველი აცრა და მის საძირკველზე მდგარ რელსებზე ჩავჯექი პირველად ტრამვაიში. ბევრმა თბილისელმა არ იცის ამ ადგილის შესახებ და ალბათ ფიქრობენ, რადგან შენდება, ე.ი. სტრატეგიულად კარგი ადგილიაო, მაგრამ მე გეტყვით როგორი  ადგილიც არის.

შევეცდები ხელით დავხატო ეს ადგილი:

მგონი ამ ნაწვალებმა ნახატმა, ზოგადი წარმოდგენა შეგიქმნათ, ახლა კი გავაგრძელებ იმის თხრობას, რაც ნახატზე ვერ დავატიე. სამშენებლო ადგილიდან 50 მეტრის დაშორებით (მარჯვენა მხარეს) არის პოლიციის განყოფილება, რომელიც ჩემ ბავშვობაშიც მუშაობდა და დღემდე მუშაობს, მაგრამ ეს განყოფილება არის საცხოვრებელი კორპუსის პირველ სართულზე და გაფართოების საშუალება არ აქვს.

,,უმადური ჰოსპიტალიზაცია”

This slideshow requires JavaScript.

ზამთრის დადგომას კახეთში  მეგობართან შევხვდი და როცა 2 დეკემბრის დილას, ნაბახუსევზე, მაღაზიის ძიებისას ლაგოდეხის ცენტრში აღმოვჩნდი, მომეჩვენა, რომ მეტისმეტად ბევრი ადამიანი ირეოდა ახლადაშენებეული ,,არქიმედეს კლინიკის” წინ, რომელიც იმდენად ლამაზი იყო, მხოლოდ დასათვალიერებლადაც კი მიიზიდავდა ხალხს, მაგრამ როგორც აღმოჩნდა ეს ხალხი კლინიკის ოფიციალურად გახსნას და ამ ცერემონიის აღმსრულებლებს – საქართველოს პრეზიდენტსა და ჯანდაცვის მინისტრს ელოდა. ასე გავხდი ამ ღირსშესანიშნავი ცერემონიის მომსწრე და რა თქმა უნდა დეტალებითაც დავინტერესდი:

20 საწოლიანი ,,არქიმედეს კლინიკა” საქართველოს ჰოსპიტალური სექტორის განვითარების გეგმის ფარგლებში, სადაზღვევო კომპანია ,,არქიმედეს გლობალ ჯორჯიამ” ააშენა და ულტრათანამედროვე აპარატურით აღჭურვა. კლინიკაში დასაქმებული ექიმებისა და მენეჯერების გადამზადება მოხდა ისრაელში, ხოლო დანარჩენი პერსონალი საქართველოში, რამდენიმე ეტაპად, ინდივიდუალური პროფილების მიხედვით გადამზადდა. სულ დასაქმებულია 124 ადამიანი და კლინიკას დღეღამეში 100 პაციენტის მიღება შეუძლია, ამ ყველაფრისთვის კი ,,არქიმედეს გლობალ ჯორჯიამ” 2 მილიონი დოლარის ინვესტიცია მოიზიდა.

ის, რომ კლინიკა ძალიან ლამაზია, ულტრათანამედროევა და მაღალკვალიფიციური პერსონალით არის დაკომპლექტებული, ზოგადად, სასიამოვნო ფაქტია, მაგრამ ორმაგად მნიშვნელოვანია ის, რომ ეს ჰოსპიტალი ფუნქციონირებს ლაგოდეხში და არა თბილისში ან ბათუმში. უმეტეს შემთხვევაში კახელებს, თბილისის საავადმოფოებში ჩამოსვლა და მკურნალობა უწევდათ, ახლა კი შეძლებენ ხარისხიანი სამედეცინო დახმარება ,,სახლში”, დედაქალაქში ჩამოუსვლელად მიიღონ.

ფრანგის თვალით დანახული თბილისი

This slideshow requires JavaScript.

გუშინ, ოფიცერთა სახლში ვიყავი ძალიან მაგარ გამოფენაზე, სახელწოდებით ,,Portraits De Ville” (,,ქალაქის სახეები”)…  გამოფენის ავტორია ფრანგი ფოტოგრაფი ვინსენტ ლაპარტიენი (Vincent Lappartient). ამ გამოფენამდე ვინსენტმა საქართველოში განახორციელა 2 პროექტი: ,,Vestiaires” (,,რეპორტაჟი პოდიუმის მიღმა”) და ,,Vine to Wine”…

ახლა კი რუსთაველის 16 ნომერში მისი შექმნილი წიგნის ,,თბილისი”-ს ნახვაა შესაძლებელი… 6 თვის მანძილზე ფოტოგრაფი 6-ჯერ ჩამოვიდა თბილისში და თითო კვირა მუშაობდა, შედეგად მისი თვალით დანახული თბილისი ერთ წიგნად გამოიცა. გამოფნაზე წარმოდგენილია ის ფოტოებიც, რომლებიც წიგნში არ არის შეტანილი, მაგრამ ფოტოაპარატის ობიექტივში მოხვდნენ.

კენ ჰენსლი – ლეგენდად ქცეული ,,კაი ტიპი”

კენ ჰენსლი უკვე თბილისშია და ,,შერატონში” დაბინავდა. გვპირდება: უპრეცედენტო ფორმატის კონცერტს. აკუსტიკური ნაწილის შემდეგ, ,,მძიმე ჯვართან” და ,,ქომიქ ქონდიშენი”-ს წევრებთან ერთად Uriah Heep-ის ოქროს ჰიტების დაკვრას, სხვადასხვა საჩუქარსა და 2 საათის დაუვიწყარად გატარებას. ბილეთის ფასი 45 ლარია და კონცერტი 5 ნოემბერს, საღამოს 7 საათზე ,,ეროვნულ მუსიკალურ ცენტრში” გაიმართება.

მსგავსი შინაარსის ინფორმაციას უკვე გაეცნობოდით ტელევიზიითა და სხვადასხვა საინფორმაციო სააგენტოების ვებ-გვერდზე, ან ლოკოპრომის ფეისბუქის გვერდსა და ოფიცილაურ საიტზე. მე კი გესაუბრებით იმაზე, რაც საინტერესოდ მეჩვენა დღევანდელ პრესკონფერენციაზე…

იმით დავიწყებ, რომ კენი ძალიან მაგარი ტიპია, ღიმილიანი და საქმიანი; ლეგენდად ქცეული და ბევრისთვის უცნობი; მკაცრიც და კარგი იუმორის მქონეც…

სონი ემორი და ,,Cachet Fusion”

This slideshow requires JavaScript.

მართალია თბილის 14-ე ჯაზ ფესტივალი ჩარლზ ლოიდმა გახსნა, მაგრამ ეფექტურ გახსნას კიდევ უფრო ეფექტური გაგრძელება მოჰყვა იმავე საღამოს, ივენთ ჰოლში, სადაც გრემის მფლობელი დრამერი სონი ემორი, უმაგრეს ჯგუფ ,,Cachet Fusion”-თან ერთად წარსდგა მსმენელის წინაშე. მუსიკოსებმა  ივენთ ჰოლში ისეთი ,,ცეცხლი დაანთეს”, დიდ საკონცერტო დარბაზში, მართლა რომ ხანძარი გაჩენილიყო, ალბათ სულ დაიწვებოდა მთელი ფილარმონია, რადგან არცერთი მეხანძრე არ ავიდოდა საქმის გასაკეთებლად და ივენთ ჰოლში დარჩენას გადაწყვეტდა.