ბინ ლადენს პატარა ჰქონიაო

ბინ ლადენის ლიკვიდაციის ამბის გაგების შემდეგ, რამდენიმე ონლაინ თამაში გამახსენდა, რომლებსაც  უსაქმურობის დროს ვთამაშობდი ხოლმე. დავიწყე მათი ძებნა და სრულიად შემთხვევით ძალიან მაგარ ანიმაციას წავაწყდი, სადაც მოკლედაა მოთხრობილი ,,ყველაფერი” ბინ ლადენის შესახებ და ანიმაციიდან ვიგებთ 11 სექტემბრის ტერაქტის ნამდვილ მიზეზსაც

E! Bin Laden  – სახალისო ანიმაცია

გარდა ანიმაციისა, გთავაზობთ ბინ ლადენთან დაკავშირებულ რამდენიმე პატარა და მარტივ ონლაინ თამაშს:

War On Terrorism

World Peace

Shoot Bin Laden

BinLatte’

Mission: 01 Kill Bin Laden

Osama in Return to Sender

A Bin Laden Halloween

Bin Blaster

Bend Over Bin Laden

Blow Up Osama Bin Laden

თუმცა გაფრთხილებთ! დღეის ამას იქით ამ თამაშებით გართობა მკრეხელობაა… ადამიანი გარდაიცვალა (მოკვდა, მოკტა, ჩაძაღლდა, გავიდა მარილზე, გევიდა გაღმა…) და მას პატივი უნდა მივაგოთ!

ქართული პოლიციის ჰიმნის ავტორი – ედიტ პიაფი!

ედიტ პიაფის ამ სიმღერას წავაწყდი, რომელიც ძალიან მეცნო… გასახსენებლად დავძაბე გონება და გავიხსენე, გავიხსენე  და რა გავიხსენე…

შეიძლება ვიღაცისთვის არც არის სიახლე, მაგრამ ვიცი რომ ჩემი ნაცნობების 95%-ზე მეტმა არ იცოდა…

ვინ უფრო მაგარია: მიშა თუ კიმ ტე ჯუნი?

ზოგიერთმა ალბათ უკვე ნახეთ, იუთუბზე დადებული ,,კორეული სიმღერა” და ტექსტის კითხვისას ბევრიც იხალისეთ… ვისაც არ გინახავთ ჯერ კიდევ წინ გაქვთ ეს სიამოვნება და თვალსაჩინოებისთვის ტექსტიც ამოვწერე, რომ უფრო გაგიადვილდეთ წაკითხვა.

ნუ, რა აღარ მინახავს ამ ცხოვრებაში?!

• კონსერვატორიაში მინახავს ,,თბილისის ბიგ ბენდის” კონცერტზე, ჩემ წინ მჯდომი და ტელეფონში ,,გალაქტიკის” მოთამაშე ლადო ბურდული.
• მელიქიშვილზე მინახავს ახალგაზრდა ბიჭი, რომელმაც პატარა წვენის დალევა ნაგვის ურნიდან 2 მეტრის მოშორებით დაამთავრა, გახედა კიდეც სანაგვეს, მაგრამ მაინც ძირს დააგდო და გაიარა… თუმცა, იქვე ვნახე სტუდენტი გოგო, რომელმაც აიღო ეს ქილა, ნაგვის ურნაში ჩააგდო და სახეზე სიამოვნება აღებეჭდა. გაუხარდა, რომ კარგი რამ გააკეთა…
• შარდენზე მინახავს უზომოდ მთვრალი მღვდელი, რომელიც 35 წლამდე, მშვენიერი გარეგნობის ქალს ხვეწნით ეუბნებოდა – ,,ამაღამ ჩემთან დარჩი და ყველა ცოდვას მოგინანიებო”.
• კარაოკე ბარში მინახავს 30-მდე ქართველი ბლოგერი ერთად თავმოყრილი და, ჰოი, საოცრებავ! იმ დღით კმაყოფილი დავრჩი.
• პეკინზე მინახავს, როგორ აგინა ვიღაც ღიპიანმა კაცმა თავისთვის მიმავალ ტრანსვევსტიტს და დასარტყმელადაც კი გაიწია, მაგრამ გაექცა ეს უკანასკნელი. საინტერესო კი ის არის, რომ ამ ყველაფერს ჩემ გარდა, 2 მომღიმარი პოლიციელი ადევნებდა თვალს.
• მეტროში მინახავს ,,თავმოყვარე” მათხოვარი კაცი (აი ის, რომ უსტვენს ხოლმე), რომელმაც რაღაცაზე შეკამათების შემდეგ, ისთვის გაწვდილ ხურდას ხელი აუკრა და უზრდელ ახალგაზრდას უთხრა – ,,მე შენი მათხოვარი არა ვარ, შე, ნაბიჭვაროო”.
• მინახავს სადარბაზოებსა და მიწისქვეშა გადასასვლელებში მორაკრაკე შარდის მდინარეები; სასტიკად ნაცემი და სახედალურჯებული მეძავი ქალები; მშობლების ცემით, მუდამ თვალებაცრემლებული პატარა ბავშვები; ცეცხლმოკიდებული და ხეზე ჩამოკიდებული კატა-ძაღლები………..

მოკლედ, ბევრი რამ მინახავს, მაგრამ უფრო მეტი ჯერ კიდევ სანახავი მაქვს. თავიდან იუმორისტულად დაწერას ვეცადე, მაგრამ რეალობას მაინც ვერ ავცდი…

• და ბოლოს, მნახავს ალუკარდის პოსტი ,,ბლოგერებში”, სადაც მონატრებას გამოთქვამდა თეგ-თამაშების მიმართ, სწორედ ამიტომ, გადავწყვიტე ბლოგერულ თეგ-თამაშად ვაქციო ეს პოსტი და ვთაგავ, რაღა თქმა უნდა ალუკარდს, მანქის და ზურიუსს <3 აბა თქვენ იცით

პირველი შეხება ფოტოშოპთან

ვიქექებოდი კომპიუტერში და დაახლოებით 2 წლის წინანდელ ,,ნამუშევრებს” წავაწყდი… ჩემი პირველი შეხება ფოტოშოპთან, პოპოვის ვიდეო გაკვეთილების შედეგად გაკეთებული სამი ფოტო, მათ შორის ერთი, თვით, GIF გაფართოებით

,,კაი ბიჭის და ვარ, მამაჩემის ბოზი ვიყო!”

18.01.2011

დაახლოებით 16:30

მეტრო ვარკეთილის მიმდებარე ტერიტორია!

მაღალ ქუსლზე მდგარი 20-21 წლის გოგო მიმართავს მისივე ასაკის გამდარ და დაბალ ბიჭს:

- ვიღაც ახვარი ხარ შენ! რეებს მკადრებ? იცი რო კაი ბიჭის და ვარ?

- ვისი და ხარ?

- ნეტა რა შენი ტრაკის საქმეა? ღირსი კი იქნები არ გითხრა ვისი დაც ვარ და პროსტა მაგრად ვაცემინო შენი თავი! პახოდუ მეორე კაი ბიჭის შეყვარებული ვარ!

გაწითლდა, დაიბნა, გასაცოდავდა და შიშმა ამოყო თავი ენაჩავარდნილი ბიჭის თვალებიდან. გოგომ კი დაუმატა:

- მამაჩემის ბოზი ვიყო თუ რამეს ვაჭარბებდე ან ვიტყუებოდე, შე ჩმორო!

სამწუხაროდ, ჩემი სამარშუტო ტაქსი მოვიდა და ავედი… ამაზე ფიქრის დროს კი ერთი კითხვა გამიჩნდა, ეს გოგო კი უნივერსალი იყო ამ შემთხვევაში მაგრამ ზოგადად:

ნეტა კაი ბიჭის და მოერევა თუ კაი ბიჭის შეყვარებული?

 

აიკრძალოს პირჯვრის გადაწერა გარკვეულ ადგილებში!

არ ვიცი აქამდე ჩაფიქრებული დავდიოდი, ავტობუსში მეძინა თუ უბრალოდ ყურადღებას არ ვამახვილებდი, მაგრამ ბოლო დროს, მგზავრობისას სერიოზულად შემაშფოთებელი რამ დავაფიქსირე…

,,მტირალა კლდე”, რომელიც ავლაბრიდან ბარათაშვილის ხიდისკენ მიმავალ გზაზეა, ალბათ ყველას მოგეხსენებათ… აი ის, პრეზიდენტის რეზიდენცია რომ ადგას თავზე – ,,ბოროტსა სძლია კეთილმან, არსება მისი გრძელია”…

მოკლედ, აღარ მივედ-მოვედები და ვიტყვი, რომ ის გზა სადაც ეს ,,მტირალა კლდე” მდებარეობს, მთლიანად ერთი დიდი მოსახვევია, სადაც მანქანით მოძრაობის დროს (ფეხითაც) დიდი სიფრთხილეა საჭირო… თუკი მარცხნივ გავიხედავთ, დაახლოებით 10 ეკლესია მაინც მოჩანს ამ ადგილიდან, ნარიყალას ეკლესიის თამადობით… ეკლესიის დანახვისას კი ქართველთა უმრავლესობას ღმერთი ახსენდება და პირჯვირის გადასახვის სურვილი ეძალებათ… რწმენა და რიტუალი კარგი, თუ ფეხით მოსიარულე გადაიწერს – გადასარევი, თუ მგზავრი გადაისახავს – აღმაბორგინებლად კარგი, მაგრამ საჭესთან მჯდომმა ადამიანმა რატომ უნდა გადაიწეროს ასეთ ადგილას პირჯვარი???

გავოგნდი, როცა პირველად დავინახე ჩემს გვერდით მჯომი ავტობუსის მძღოლი, რომელმაც ცალი ხელი გაუშვა საჭეს, თავი ეკლესიებისკენ მიაბრუნა და საკმაოდ ნელა, სამჯერ გამოისახა პირჯვარი ასეთ სახიფათო მოსახვევში… მეორე დღესაც იგივე დავაფიქსირე… შემდეგ ჯერზე ფანჯრიდან გვერდით მიმავალ მსუფუქ ავტომობილს შევხედე, რომლის მძღოლმაც ზუსტად იგივე გაიმეორა… მხოლოდ მერეღა დავფიქრდი, თუ რამხელა საფრთხეს მიქმნიდა მსგავსი საქციელი მე და ყოველდღე, ჩემსავით მოძრავ ათასობით მგზავრს…

რა სისულელედაც არ უნდა ჟღერდეს, ყოველთვის ვიტვი, რომ არც ისეთი სისულელეა მსგავს ადგილებში პირჯვრის გადაწერის აკრძალვა და საერთოდაც, შესაძლებელია გზებზე ამკრძალველი ან გამაფრთხილებელი საგზაო ნიშნების დაყენებაც…

P.S. სამწუხაროდ, ფოტოშოფი არ მაქვს და ფეინთში ვაკეთე ფოტოები